Hello guys to be honest mpira waku malawi ....ndiosangalatsa and please amene mumaona za ma sapota plz make sure that ma sapota anu mukuwalangiza bwinobwino so that mpira usabweretse kuonongeka kwa katundu wa boma

Who wins in penalty mafco and kb

EXTREME YATULUKA MU LIGI

Timu ya Extreme FC yakhala yoyamba kutuluka mu ligi ya chaka chino kutsatira kugonja 2-1 ndi timu ya Red Lions pa bwalo la Balaka masana a loweruka.

Deus Nkutu ndi Mike Kaziputa anagoletsa zigoli za Lions pomwe Beston Jimu anamwetsako cha Extreme kuti Lions itsalebe ndi mwayi otsala mu ligi. Wachiwiri kwa mphunzitsi watimuyi, Elvis Kafoteka, wati unali ulendo wovuta mu ligiyi.

"Wakhala ulendo wosasangalatsa kwambiri chifukwa masewero oti tiziwina timaluza koma ovutawo timawina nde mwina tikanakhala kuti timakhazikika pa zochita anyamatawa bwenzi atatsala mu ligi." Anatero Kafoteka.

Timuyi ili pa nambala 16 ndi mapointsi 18 pa masewero 27 omwe yasewera ndipo yasewera mu ligiyi kwa chaka chimodzi tsopano ikubwereranso mu Chipiku Stores Central Region Football league.

Wolemba: Hastings Wadza Kasonga Jr

"TIKHONZA KUTSALIRABE MU LIGI" - MASAPULA

Wachiwiri kwa mphunzitsi watimu ya Red Lions, Chifundo Masapula, wati timu yake tsopano ili ndi mwayi oti itha kutsala mu ligi pomwe tsopano akufunikira kuchita bwino mmasewero awo.

Iye amayankhula izi atatha masewero omwe timuyi yagonjetsa Extreme FC 2-1 pa bwalo la Balaka ndipo wati mmene anyamata ake akuchitira, akupereka chilimbikitso kuti atsala mu ligi.

"Kukonzekera kwathu kunali kwa pamwamba chifukwa timadziwa kuti masewero alero ndi apampeni koma tithokoze kuti tawina. Mwayi ulipo wochuluka, anyamata akuonetsa kuti ali tsopano bwino koma asamasuke kuti alibwino chifukwa zikhonza kuwasokonekera." Anatero Masapula.

Timuyi ili pa nambala 15 mu ligi ndipo yatsala ndi masewero okwana atatu kuti imalize ligi ndipo ikufunikira mapointsi anayi kuti ichoke ku chigwa cha matimu otuluka ndipo ili ndi mapointsi 25.

Wolemba: Hastings Wadza Kasonga Jr

"BULLETS INALI BWINO PA CHILICHONSE" - NGINDE

Mphunzitsi watimu ya Chitipa United, MacDonald Mtetemera, wati kuchinyitsa changu mmasewero omwe amasewera ndi FCB Nyasa Big Bullets ndi kumene kwawapweteketsa pomwe wati ndi zovuta kuti kuchokera kumbuyo ndi matimu ngati amenewa.

Iye amayankhula atatha masewero omwe agonja 2-0 pa bwalo la Kamuzu ndipo wati Bullets inali bwino pa chilichonse angakhale kuti anyamata ake anayesetsa.

"Anzathuwa anachenjera chifukwa anagoletsa mwachangu nde ndi zovuta kwa timu ya masapota ochuluka chonchi kuti ungabwenze poti uyu ndi osewera wachi 12 nde awa ndi ana akadaphunzira anayesetsabe komabe Bullets inali bwino pa chilichonse." Anatero Mtetemera.

Masewero otsatira ndi okumana ndi timu ya Civo United lachitatu ndipo timuyi ikadali pachinayi ndi mapointsi okwana 43 pa masewero 25 omwe yasewera.

Wolemba: Hastings Wadza Kasonga Jr