Timu ya Creck Sporting Club yaimitsanso kachiwiri mphunzitsi wawo Eliya Kananji, wachiwiri wake Harry Saidi komanso wofufuza za pa bwalo, Blessings Tembo.

Timuyi ndi yokha yomwe sinapezeko chipambano mu ligi ya FDH Premiership.

Ndipo mphunzitsi watimu yawo ya atsikana, Chisomo Nkhoma, ndi yemwe agwirizire ntchitoyi kufikira timuyi ipange chiganizo chake.

Aphunzitsi atimu ya Creck Sporting Club, Eliya Kananji ndi wachiwiri wake Harry Saidi, abwerera pa ntchito yawo ndipo ayenda ndi timuyi kumathero a sabatayi.

Awiriwa anayimitsidwa atatha masewero omwe anagonja pakhomo 3-1 ndi Kamuzu Barracks kuti akhale masewero anayi osapambanako koma tsopano abwerera.

Izi ndi malingana ndi kufufuza komanso kukambirana ndi aphunzitsiwa ndipo tsopano ali nawo paulendo wopita kumpoto kokakumana ndi Moyale Barracks ku Rumphi.

Timuyi ili pa nambala 15 ndi mapoints awiri atafananitsa masewero awiri koyenda ndi kugonja awiri apakhomo.

CRECK YAIMITSA AUPHUNZITSI AKE

Timu ya Creck Sporting Club yalengeza kuti yaimitsa ntchito kaye mphunzitsi wamkulu, Eliya kananji komanso wachiwiri wake Harry Saidi kamba ka kusachita bwino Kwa timuyi.

Malingana ndi uthenga womwe timuyi yatsimikiza pa tsamba lawo la mchezo madzulo a lamulungu, kuyimitsidwaku ndi kwa pompompo ndipo akhale akufotokoza chitsogolo cha nkhaniyi.

Timuyi yayamba movutika kwambiri pomwe yagonja masewero onse apakhomo ndi kufananitsa mphamvu onse akoyenda kuti akhale ndi mapoints awiri okha mu ligi.

Iwo agonja ndi Mighty Wanderers 2-1 komanso Kamuzu Barracks 3-1 komanso kufananitsa mphamvu ma 1-1 ndi Red Lions komanso MAFCO koyenda mu ligi.

Kananji anapita kutimuyi kuyisiya timu ya Blue Eagles yomwe anatuluka nayo ndi kuyilowetsanso mu ligi yaikulu ya mdziko muno.

"MASEWERO A ACHINA WANDERERS AMAKHALA OPHWEKA" - KANANJI

Mphunzitsi watimu ya Creck Sporting Club, Eliya Kananji, wati kukumana ndi matimu omwe amadziwika kuti ndi akuluakulu kumakhala kophweka kuti apambane ndipo Mighty Wanderers iziona ku Mchinji.

Iye amayankhula patsogolo pa masewerowa omwe aliko pa bwalo la Aubrey Dimba lamulungu ndipo wati iwo akufunitsitsa kupambana mmasewerowa.

"Amakhala masewero ophweka kusiyana ndi matimu omwe amaoneka ngati ang'onoang'ono aja nde awa akutipeza pakhomo tikayesetsa kuti tikawachinye ndithu," iye anatero.

Timuyi sikhala ndi goloboyi Donnex Mwakasinga ndi Auspicious Kadzongola omwe ndi ovulala koma Kananji wati osewera ena aliponso.

Creck Sporting Club siyinagonjetseko Wanderers chiyambireni ndipo ili ndi point imodzi pa masewero amodzi omwe analepherana 1-1 ndi Red Lions sabata yatha.

Kelvin Banda has joined Creck sporting club on free transfer after leaving Mighty Tigers following expiry of his contract.

The Central defender has signed a 3-year deal.