"TILI NDI MKWIYO WOSALELETSEKA" - ALUFANDIKA

Mkulu woyang'anira aphunzitsi atimu ya Mighty Tigers, Robin Alufandika, wati timu yawo ili ndi mkwiyo waukulu pomwe ikuyamba masewero awo amu NBS Bank National Division League ndipo saleletseka akayamba kumenya matimu.

Abambo amayankhula patsogolo pa masewero awo oyamba mu ligiyi ndi Chilobwe United ndipo ati akuyembekeza kuyamba mwapamwamba.

"Za kukonzekera kwathu mphwanga zisiye, ifeyo tili ndi mkwiyo, mkwiyo wosaleletseka ndiye tiye uonere chifukwa mbambande ndi mbambande," anatero Abambo.

Iwo anatinso timu yawo inachivomereza kutuluka mu ligi yaikulu koyamba pa zaka 39 ndipo akuyembekeza kuti abwererenso posachedwa.

"Osewera otikondawo tikadali nawo Koma omwe sanatikonde anatithawa kukasaka malo kwinako komabe mbambande ndi mbambande tapeza osewera ena omwe atithandizenso kubwerera pomwe tinali paja," anapitiliza Alufandika.

KULIBE KUYESA MWAYI KU TIGERS

Timu ya Mighty Tigers yalengeza kuti ikuyamba zokonzekera zawo za ligi ya NBS Bank National Division lolemba pa 9 March 2026.

Iwo alengeza izi kudzera pa tsamba lawo la mchezo la Facebook pomwe mpira wa chaka chino wayandikira.

Ana amu mpanda akuti akuyamba zokonzekera zawo mofulumira ndi cholinga chofuna kudzabwereranso mu ligi yaikulu ya dziko lino.

Timuyi yatinso kulibe kudzayesa mwayi kwa osewera achilendo ndipo azichita kuyitana omwe apezeke ku zokonzekera zawozi.

Matiga anali imodzi mwa matimu omwe anatuluka mu ligi yaikulu chaka chatha ndipo kanali koyamba chichokereni mu 1986 ndipo anapambanako ligi mu 1989.

BANDA AKUCHOKA KU TIGERS

Mtsogoleri wa osewera kutimu ya Mighty Tigers, Kelvin Banda, akuchoka kutimuyi kutsatira kuti mgwirizano wake ukutha pa 31 December 2025.

Katswiriyu watsimikiza za nkhaniyi pomwe wathokoza timuyi pokhala naye bwino mu zaka zomwe watumikira ku ana akumpanda.

Iye wakhala wofunikira kwambiri kutimuyi pomwe amatchinga bwino kwambiri ndipo wafunidwapo ndi Civil Service United, Creck Sporting Club komanso Mighty Wanderers.

TIGERS RELEGATED FROM TNM SUPER LEAGUE

One of the longest serving teams in the TNM Super League, Mighty Tigers, has been relegated from the League after conceding late to suffer a 1-0 defeat against Blue Eagles at the Nankhaka Ground on Wednesday afternoon.

The Kaukau boys had favours from them as Goshen City Dedza Dynamos and Mzuzu City Hammers were trailing at the same time but had to let in a 92nd minute goal from Ranken Mwale to suffer the defeat.

Head coach Trevor Kajawa described the result as painful as the team wanted three points from the match.

''Towards the end the boys became complecant having seen that we are remaining with two minutes then we were caught and conceded in a painful,'' said Kajawa.

This means that Tigers, one of the highest producers of quality players and 1989 Super League champions have joined Songwe Border United in the list of relegated teams.

They are 15th on the table with 27 points from 6 wins, 9 draws and 14 defeats in the League.

''Timafunitsitsa kuti tipambane'' - Kajawa

Mphunzitsi watimu ya Mighty Tigers, Trevor Kajawa, wati ngati timu yake inakwanitsa kuteteza masewero onse koma akupereka ndi osewera mmodzi ndekuti yasewera bwino koma amafunitsitsa kupeza chipambano ma masewero awo ndi FCB Nyasa Big Bullets.

Iye amayankhula atatha kufanana mphamvu ndi Bullets pa bwalo la Mpira ku Chiwembe ndipo wati kusewera kwawo kwawalimbitsa mtima kuti atha kuchita bwino mmasewero awo omwe atsala.

''Sitingasangaliretu koma tikuyenera kuchilimika kuti tichite bwino mu masewero omwe tatsala nawo tichite bwino, point iyiyi kuti ndi yofunikira kwambiri chifukwa timafunsa kupambana,'' anatero Kajawa.

Iye wati ndi zotheka kuti timu yake kupulumuka mu ligi koma ndekuti ifunikira kupambana ma masewero omwe atsala nawo.

Tigers ikadali pa nambala 15 ndi mapoints 27 pa masewero 28 omwe asewera mu ligi.