Timu ya LUANAR Mitundu yasankha Raheem Mtondera kuti ndi yemwe wasewera mwapamwamba mu mwezi wa June kutimuyi.

Mtondera anakwanitsa kumwetsa zigoli zitatu mu mweziwu, ziwiri pagolo la Civil Service United ndipo chimodzi ndi Blue Eagles kuti atenge mphotoyi.

Iye alandira K100,000 kuchokera ku kampani ya BCA Travel Tours yomwe imathandiza timuyi pa mphotozi.

"TIMU TSOPANO IKUBWERAMO" - KAUNDA

Mphunzitsi watimu ya LUANAR Mitundu Oscar Kaunda wati tsopano osewera ake akubweramo pomwe akukwanitsa kumva zomwe iye akuwauza ndipo zatsala zinthu zochepa kuti timuyi ikhazikike.

Iye amayankhula atatha kugonjetsa Blue Eagles 3-2 pa bwalo la Dedza loweruka pomwe Vincent Nyangulu anamwetsa chigoli chimodzi ndipo Raheem Mtondera anagoletsa ziwiri koma Farhad Mtcheka ndi Micium Mhone anabwenzako mu nthawi yoonjezera.

Kaunda anayamikira osewerawa kamba kosewera bwino komanso koyesetsa kuti azitolera mapoints mu masewero apakhomo mu ligiyi.

"Sabata yatha tinagonja ku mpoto koma tinawauza kuti sitikufunika kugonjanso kawiri nde zatheka lero, timu ikubweramo tsopano pomwe akumamva zomwe tikuwauza," anatero Kaunda.

Iye koma wati chatsala choti akwanitse kupeza chipambano koyenda ndipo zikatero ndekuti chilichonse chikhala Kuti chilibwino kwambiri.

Timuyi tsopano ili ndi mapoints okwana 10 mu ligi pomwe ili pa nambala 9 itapambana katatu, kufanana mpha

Wotseka kumbuyo ku timu ya LUANAR Mitundu, Tamandani Ngulube, wasankhidwa kuti wasewera bwino kuposa aliyense mu mwezi wa May kutimuyi.

Iye wapambanako mphoto yakuti wasewera bwino pa masewero amu FDH Premiership kamodzi pomwe anagonjetsa Kamuzu Barracks 1-0.

Iye watenga ndalama zokwana K100,000 kamba kopambana mphotoyi kuchokera ku kampani ya BCA.

MITUNDU STUN KB TO CHALK FIRST LEAGUE WIN

Elite League rookies, LUANAR Mitundu, grabbed a late winner to find their first ever victory in the top flight League after beating Kamuzu Barracks 1-0 at the Dedza Stadium on Saturday afternoon.

Emmanuel Chikadza netted a 90th minute penalty goal to secure the win as they begin their life at their new home in style with a big win.

Head coach Oscar Kaunda expressed his happiness over the victory but was not convinced with their play in the game.

"It was a good game and I told the boys to try everything in order to start well at home and I'm very happy with the win today though we didn't do well in some aspects," said Kaunda.

He also thanked the people in Dedza for a massive support to the team and believe they will have good times when playing their home matches this season.

The win pushed the team up to second in the League with four points from one win and one draw, sitting two points behind leaders Silver Strikers.

MITUNDU BAPTIST YAPALANA UBWENZI NDI LUANAR

Timu yomwe yangolowa kumene mu ligi yaikulu ya Mitundu Baptist yalowa mu mgwirizano ndi sukulu ya Lilongwe University of Agriculture and Natural Resources omwe ayendere limodzi kuyambira mu ligi ya chaka chino.

Malingana ndi malipoti omwe tsamba lathu lapeza, mbali ziwirizi zamvana chilichonse ndipo mwambo wotsimikizira ubalewu uliko lamulungu pa 19 April 2026 ku Hotela ya Malville Botique.

Pa mwambowu timuyi ikaonetsa akuluakulu omwe aziyendetsa timuyi omwe ndi ochokera ku mbali zonse ziwirizi, kukhazikitsa kuti timuyi iyende ngati kampani komanso kuonetsa zovala za chaka chino.

Pa mgwirizanowu, timu ya LUANAR FC tsopano ikhala yachisodzera ya timuyi ndipo akhazikitsanso timu ya mpira wamiyendo ya amayi pokwanilitsa zoyenereza kusewera mu ligi yaikulu.

Timuyi ikuyembekezeka kusintha dzina kukhala LUANAR Mitundu FC ndipo isewera mu chaka chake choyamba mu ligi yaikulu ya mdziko muno.