"TIYESETSA KUTI TIPAMBANEKO KOYENDA" - CHIRWA

Mphunzitsi watimu ya FOMO FC, Gilbert Chirwa, wati timu yake iyesetsa kulimbikira kuti mwina ipezeko chipambano chawo choyamba koyenda pomwe wati kuti atsale mu ligi akufunika kumapambana masewero.

Iye wayankhula patsogolo pa masewero awo ndi timu ya Mighty Tigers onwe aliko loweruka pa bwalo la Mpira ndipo wati wawalimbikitsa kuti achite bwino ngakhale kuti akukumana ndi timu inanso yabwino.

"Zokonzekera zathu zayenda bwino ndipo anyamata akuoneka kuti akuchita bwino ndipo tikuyesetsa kuti tikachite bwino poti anthu akutinena kuti sitikumawina koyenda koma tikuwalimbikitsa anyamatawa kuti tsiku lina adzapambanako nde Tigers ndi timu yabwino koma tiyesetsa." Anatero Chirwa.

Timu ya FOMO ili pa nambala 13 mu ligi pomwe yakwanitsa kutolera mapointsi okwana 14 pa masewero 14 omwe yasewera mu ligi.

"TIMASEWERA NDI TIMU YOMWE ILIBWINO" - CHIRWA

Mphunzitsi watimu ya FOMO FC, Gilbert Chirwa, wati timu yake inakumana ndi timu yomwe ilibwino kwambiri chaka chino mchifukwa chake yakanika kupeza chipambano koma wayamikira osewera ake kuti wasewera bwino.

Iye amayankhula atatha masewero omwe agonja 1-0 pa ndi timu ya Silver Strikers pa bwalo la Silver ndipo wati timu yake yaonetsa kuti akabweretsa osewera ena olimba ikhala yabwino.

"Zoonadi tasewera bwino koma timasewera ndi timu yomwe ilibwino kwambiri chaka chino, akutsogola mu ligi nde koma anyamata anayesetsa kwambiri kuti achite bwino koma zinativuta anzathu anatigoletsa koma taonetsa kuti tikhala timu yabwino kukabwera osewera ena." Anatero Chirwa.

Timuyi ikadali pa nambala 12 mu ligi pomwe ili ndi mapointsi okwana 14 pa masewero okwana 14 omwe yasewera mu ligi ya TNM.

"CHILICHONSE NDI CHOTHEKA MU MPIRA" - CHIRWA

Mphunzitsi watimu ya FOMO FC, Gilbert Chirwa, wati akudziwa kuti timu yake ikumavutika kwambiri ikayenda ndikukasewera kutali ndi pa bwalo lawo koma atalimbikira atha kuchita bwino lamulungu.

Iye amayankhula patsogolo pa masewero awo ndi timu ya Silver Strikers pa bwalo la Silver ndipo iye wati timu yake yakonzeka bwino pa masewerowa ngakhale akudziwa kuti akhale masewero ovuta.

"Takonzekera bwino masewerowa ndikudziwa akhala ovuta poti Silver ikuchita bwino ndipo ili pamwamba koma anyamata tawalimbikitsa ndipo mu mpira chilichonse ndi chotheka titalimbikira titha kupeza kenakake." Anatero Chirwa.

Iye wati timuyi tsopano yasintha kwambiri poyerekeza ndi momwe ankayitenga ndipo posachedwa ikhale ikuchita kwambiri kuposa panopa.

Timuyi ili pa nambala yachikhumi ndi chiwiri (12) pomwe ili ndi mapointsi okwana 14 pa masewero 13 omwe yasewera mu ligi ya TNM.

"TINAKANIKA KUMAKA KUMBUYO KWATHU"- CHIRWA

Mphunzitsi watimu ya FOMO FC, Gilbert Chirwa, wati timu yake inakanika kumaka pa zigoli zonse zomwe anachinyitsa zomwe zachititsa kuti agonje pa masewero awo.

Iye amayankhula atatha masewero omwe agonja 3-0 ndi timu ya FCB Nyasa Big Bullets pa bwalo la Kamuzu ndipo wati timuyi ikadakonzedwa ndipo posachedwa ikhale yabwino.

"Anali masewero abwino kwambiri kungoti Pena timachedwa pa Mpira komanso pa zigoli zonse tinakanika kumaka zomwe zativuta komabe timuyi ndi yatsopano ndi ana achisodzera omwe akadaphunzira ndipo pompano afikapo ndipo tizichita bwino." Anatero Chirwa.

Timu ya FOMO ili pa nambala yachikhumi ndi chiwiri (12) mu ligi pomwe ili ndi mapointsi okwana 14 pa masewero 13 omwe yasewera mu ligi.

"TIKUYESETSA KUTI TIZICHITA BWINO KOYENDA" - CHIRWA

Mphunzitsi watimu ya FOMO FC, Gilbert Chirwa, wati timu yake ikuyesetsa kuti izikwanitsa kuchita bwino ikasewera koyenda pomwe inabwenza zigoli ziwiri ndi Creck Sporting Club sabata yatha ngakhale kuti anagonja mmapenate.

Iye amayankhula patsogolo pa masewero awo ndi timu ya Karonga United loweruka likudzali ndipo wati timu yake yakonzeka kwambiri kuti ikachite bwino.

"Takonzekera masewerowa ndikudziwa kuti nthawi zambiri tikayenda zikumativuta koma sabata yatha tinayesetsa tinagonja kumapenate nde ku Karonga ndikukudziwa bwino ndingowalimbikitsa kuti akathe kulimbikira kuti tikachite bwino." Anatero Chirwa.

Timu ya FOMO ili pa nambala yachikhumi ndi mapointsi okwana 14 pa masewero 11 omwe yasewera mu ligi ya TNM.