Akatswiri polosera magemu pa Owinna.com ayamba kugawana K50,000 sabata iliyonse. Oyamba kulandira ndi olosera asanu sabata ino pomwe wotsogola walandira ndalama yoposa K22,000!

Banki ya NBS yalengeza kuti masewero otsekera ligi ya NBS Bank National Division pakati pa Red Lions ndi Baka City ku bwalo la Balaka adzakhala awulere.

Izi zayankhulidwa ndi mkulu woona nthambi ya zamalonda ku Bankiyi, Frank Magombo womwe ati zambiri zosangalatsa zakonzedwa pa masewerowa.

"Uku kukakhala oyimba monga ma Blacks, Bwede komanso Phyzix cholinga anthu adzasangalale pomwe tikumaliza ligiyi," iye anatero.

Magombo watinso anthu omwe adzafike pa bwaloli omwe ali kale ndi akaunti ya bankiyi adzakhala alowa mu mpikisano wa tsiku lomwelo omwe anthu 50 adzapate ma K10,000 ndipo ena ma T-Shirt a bankiyi.

Ndipo kwa omwe adzafune kutsegulitsa akaunti yatsopano akuyenera kudzakhala ndi chitupa chaunzika komanso K1,000 yomwe idzakhale ya buku.

Pamapeto a zonse, Red Lions idzapatsidwa chikho ndi ndalama zokwana K15 million pokhala akatswiri ndipo matimu achiwiri ndi achitatu adzapeza K10 million ndi K5 million iliyonse.

Reports from DRC indicates that Patrick Mwaungulu is currently one of the highest paid players at TP Mazembe.

The youngster penned a new deal with the team last month and he now earns 5,000 dollars a month.

Nicknamed Pangolin, he is one of the reliable players for the team and also fans favourite.

NYONDO WATHOTHOLEDWA KU TIMU

Timu ya Highlanders yalengeza kuti yachotsa osewera okwana asanu ndi atatu kuphatikizapo osewera wa mdziko muno, Atusaye Nyondo.

Timuyi yachita izi pofuna kukonzanso kuti akhale ndi timu yapamwamba mu chaka cha 2026.

Iye anapita kutimuyi ndi mphunzitsi wake wakale ku Silver Strikers, Peter De Jongh yemwe wachokanso kutimuyi, kuchokera ku timu ya Casric Stars yaku South Africa.

Nyondo wakhalw osewera wachiwiri waku Malawi kuchotsedwa ku Zimbabwe pomwe Vincent Nyangulu anathotholedwa ndi FC Platinum.

Omwe achotsedwa ndi awa:
- Melikhaya Ncube
- Mckinnon Mushore
- Mthabisi Ncube
- Honest Mhlanga
- Nqobile Ndlovu
- Martin Nhubu
- Atusaye Nyondo
- Learnmore Muyambo

FPA yayika malire ochotsera osewera

Bungwe loyang'anira osewera la Football Players Association layika tsiku la 28 February 2026 kukhala lomaliza loti matimu achotsere osewera omwe sakuwafuna pofuna kuti akwanitse kupezanso matimu atsopano.

Mlembi wa bungweli Ernest Mangani wati matimu ambiri amachotsa osewera nthawi yoti msika watsekedwa zomwe zimawachititsa kusowa kosewerera komanso matimu abwino.

"Ndi chifukwa chake tikupempha matimu komanso kukakamiza kuti osewera akwanitse kupezanso matimu abwino chifukwa kuwachedwetsa ndi kuwaphera ufulu," Iye anatero.

Iye wamema osewera kuti alowe bungwe lawoli kuti mawu awo azimveka ndipo wati akambirana ndi Football Association of Malawi kuti osewera onse amu Supa ligi alowe bungwe lawo.

Bungweli limaunikira za ufulu ndi umoyo wa osewera ndipo osewera yemwe ali ndi mgwirizano ndi timu atha kukhala membala wawo.