MUNTHALI NDI CHAWANANGWA SAPEZEKA KWA MASABATA ATATU

Osewera awiri atimu ya Flames omwe amasewera kunja kwa dziko lino, Chawanangwa Kaonga ndi Brighton Munthali akhala masabata atatu asakugunda mpira kamba koti anavulala mmasewero omwe timuyi yalepherana 2-2 ndi Guinea loweruka pa bwalo la Bingu.

Munthali anavulala mchigawo choyamba ndipo anasinthana ndi Clever Nkungula pomwe Chawanangwa anavulala mu nthawi yoonjezera atagundana ndi osewera a Guinea.

Osewera onsewa athandizidwa ndipo auzidwa kuti asasewere kwa masabata atatu ndipo akaunikidwanso akapita ku matimu awo. Chawanangwa amasewera timu ya ZANACO ku Zambia pomwe Munthali ndi goloboyi wa Black Leopards yaku South Africa.

#Tawonga2023

SAIZI NDI CHAZIYA AMWETSA ZIGOLI ZOYAMBA KU FLAMES

Osewera atimu ya Flames, Robert Saizi komanso Lawrence Chaziya, atsegula matumba awo azigoli kutimuyi pomwe anamwetsa chigoli chimodzi aliyense kuti Flames ilepherane 2-2 ndi Guinea pa bwalo la Bingu loweruka masana.

Saizi anamwetsa chigoli chake choyamba ndi timuyi pa mphindi 23 anamalizitsa mpira omwe Lanjesi Nkhoma anamenyetsa munthu mu masewero ake achisanu ndi timuyi. Malawi inagoletsetsa zigoli ziwiri mu mphindi zitatu pomwe Aguibou Camara komanso Saidou Sow anamwetsa zigoli pa mphindi 56 ndi 58 aliyense kuti Guinea itsogole 2-1.

Masewero akupita kumapeto, Saizi anamenya Kona yomwe Chaziya anasumbira mu ukonde kuti apezenso Chigoli chake choyamba ndi timuyi mmasewero ake achikhumi chomwe chaletsa Flames kugonja.

Mu gulu la timuyi, Flames yathera pachitatu ndi mapointsi asanu pa masewero asanu ndi amodzi ndipo Egypt ndi Guinea ndi omwe achoka mu gululi ndikupita ku mpikisano wa African Cup of Nations wa 2023.

#Tawonga2023

BANDA WAYAMIKIRA OSEWERA ACHISODZERA KU FLAMES

Mtsogoleri wa osewera kutimu ya Flames, John Banda, wayamikira osewera omwe ndi achisodzera kutimuyi kamba kochita bwino ndi timuyi ku mpikisano wa COSAFA komwe anathera pa nambala yachinayi.

Banda amayankhula izi patsogolo pa masewero awo ndi timu ya Guinea yomwe iye walonjeza kuti iwo apanga kuthekera kulikonse kuti apambane.

Iye wati osewera achisodzera akuchita bwino kwambiri kutimuyi ndipo ngati angagwirane manja ndi achiyambakale akutimuyi, timuyi ipambana masewerowa.

Malawi ikukumana ndi Guinea mu masewero opitira ku mpikisano wa African Cup of Nations koma matimu omwe anadutsa kale ndi Egypt komanso Guinea yomweyi.

MABEDI AKUFUNIDWA KU SOUTH AFRICA

Mphunzitsi wogwirizira watimu ya Flames, Patrick Mabedi, wati chitsogolo chake ndi chosadziwika bwinobwino pomwe matimu ena amdziko la South Africa akumufuna kuti akaphunzitse kumeneko.

Mgwirizano wa mphunzitsiyu utha mmwezi wa September ndipo iye wati zili ndi bungwe la Football Association of Malawi kuonjezera mgwirizano wake.

"Zonse zili mmanja mwa FAM komano chitsogolo sichikudziwikabe chifukwa matimu ena amu PSL akundifunanso nde tidikirabe ku likuluko." Anatero Mabedi.

Mphunzitsiyu yemwe waphunzitsapo matimu ena ngati Kaizer Chiefs komanso Moloka Swallows ku South Africa, anatenga timu ya Flames mu mwezi wa June kutsatira kutha kwa mgwirizano wa Mario Marinica.

Iye watsogolera Flames mmasewero asanu ndi awiri (7) ndipo sanagonjepo pa mphindi 90 za mkati mwa masewero.

MABEDI HAPPY WITH FLAMES' UNBEATEN IN 90 MINUTES

Malawi National Football team caretaker coach, Patrick Mabedi, has praised his boys for a brilliant performance at the COSAFA Cup in South Africa despite finishing fourth in the tournament.

The team lost 5-3 on penalties in the third place match after Christopher Kumwembe missed his penalty against South Africa. Meanwhile, the team has never lost a match in 90 minutes as their defeats in the Semi finals and third place have come through penalties to the delightfulness of Mabedi.

"If it was a league we could have been crowned Champions because we haven't lost a match. I am very proud of my boys we will come back stronger." Mabedi said.

The team finished as group winners in their group after amassing 9 points from three wins but lost to Lesotho 3-0 on penalties after a 1-1 draw in the 90 minutes and also lost to South Africa on Sunday through penalties as well.