"KULUZA MASEWERO NDI ZAMPIRA" - MWANSA

Mphunzitsi watimu ya Moyale Barracks, Prichard Mwansa, wati timu yake inayesetsa kuti ichite bwino ndipo inakonza kuti ipambane mmasewero awo koma sizinayende ndi momwe anakonzera.

Iye amayankhula atatha masewero omwe agonja 1-0 ndi timu ya Bangwe All Stars lamulungu pa bwalo la Balaka ndipo wati timu yake inapeza mipata yochuluka kwambiri yomwe anakanika kugoletsa.

"Anali masewero abwino kwambiri tinapeza mipata kuti mwina tikanatha kupeza zigoli koma tinakanika komabe zimachitika mu mpira tibwerera tikakonze mavuto athu kuti tipitilire kuchita bwino." Anatero Mwansa.

Moyale Barracks ili pa nambala yachisanu ndi chimodzi (6) pomwe ili ndi mapointsi okwana 36 pa masewero 26 omwe yasewera mu ligi ya chaka chino.

Bangwe 1-0

"TIKUYENERA KUKAWINA MWA NJIRA ILIYONSE" - MWANSA

Mphunzitsi watimu ya Moyale Barracks, Prichard Mwansa, wati timu yake ikuyenera kulembetsa chipambano mwa njira iliyonse pa masewero omwe akumane ndi timu ya Mzuzu City Hammers pa bwalo la Mzuzu loweruka kuti mwina asunthe pa ndandanda wa matimu.

Iye amayankhula patsogolo pa masewerowa ndipo wati monga mchigawo choyamba chinatha 1-1, masewerowa akhale ovuta kwambiri potengera kuti matimuwa ndi odziwana koma akayesetsa kuti akachite bwino.

"Ndikukhulupilira kuti akhala masewero ovuta kwambiri chifukwa tikusewera ndi timu yabwino kwambiri komanso tikudziwana koma anyamata akonzeka komanso kuti tikachite bwino tikufunika kukalimbikira nde mwa njira iliyonse tikachita bwino." Anatero Mwansa.

Iye wati timu yake ikuyenera kuti ikagwiritse ntchito pa mimwayi yomwe akapate mu mmasewerowa ndi cholinga choti akakwanitse kupeza zigoli zochuluka pa masewerowa.

Moyale ili pa nambala yachisanu ndi chinayi (9) pomwe ili ndi mapointsi okwana 32 pa

"NDASANGALALA NDI MMENE TASEWERERA MCHIGAWO CHACHIWIRI" - MWANSA

Mphunzitsi watimu ya Moyale Barracks, Prichard Mwansa, wati si zinthu zophweka kugoletsa zigoli zitatu ndi kupambana masewero mu chigawo chachiwiri cha ligi ndipo wati ndiwokondwa ndi mmene timu yake yasewerera mchigawo chachiwiri cha masewero awo.

Iye amayankhula atatha masewero omwe agonjetsa timu ya FOMO FC 3-1 pa bwalo la Mzuzu ndipo wati wasangalala kwambiri ndi chipambanochi.

"Anali masewero abwino kwambiri FOMO ndi timu yabwino ndipo yasewera bwino kwambiri komanso inayamba kugoletsa koma tinabwenza ndipo mchigawo chachiwiri tinawauza anyamata, asewera bwino kwambiri mpaka tapeza zigoli ndasangalala kwambiri." Anatero Mwansa.

Iye wati ayesetsa kuti ngakhale masewero azivuta chotere, timuyi izitolera mapointsi mu ligi kuti athere pabwino ligi ikamadzatha.

Zateremu timuyi ili pa nambala yachisanu ndi chiwiri (7) pomwe ili ndi mapointsi okwana 32 pa masewero 23 omwe yasewera mu ligi.

"OYIMBIRA AMBIRI NDI MASAPOTA" - MWANSA

Mphunzitsi watimu ya Moyale Barracks, Prichard Mwansa, wadandaula ndi momwe oyimbira ambiri mdziko muno akuchitira pomwe akumasankha timu yomwe ipambane pa masewero zomwe zikupweteka kwambiri matimuwa.

Iye amayankhula atatha masewero omwe agonja 1-0 ndi Civil Service United ndipo wati ngakhale kuti iwo anaphonya mipata yochuluka koma oyimbira atengapo mbali kuti agonje zinthu zomwe oyimbira ochuluka akumachita mdziko muno.

"Anali masewero abwino kwambiri tasewera bwino tinapeza mipata yambiri maka mchigawo choyamba koma tinakanika kugoletsa komabe kwa nthawi yoyamba ndiyankhulako za oyimbira,"

"Zomwe akupanga sizabwino ndipo mayimbilidwe awawa mpira sungapite patsogolo, kuchita kukondera mbali imodzi angakhale anthu omwe anaonera ndi pakanema pomwe atha kutsimikiza, ambiriwa ndi masapota." Anatero Mwansa.

Kutsatira kugonjaku, Moyale ili pa nambala 10 mu ligi pomwe ikadali ndi mapointsi okwana 29 pa masewero 22 omwe yasewera.

📷: Civo media