"WANDERERS NDI BLUE EAGLES TILI NAWO NTCHITO YAPADERA" - CHIMKWITA

Mphunzitsi watimu ya Karonga United Christopher Chimkwita wati nthawi yakwana yoti osewera ake azipangire mayina pomwe wati anayika masomphenya oti afike mu ndime yotsiriza ya Airtel Top 8 komwe alinso ndi mangawa ndi Mighty Wanderers komanso Blue Eagles.

Iye amayankhula patsogolo pa masewero awo ndi Ekhaya FC omwe aliko loweruka pa bwalo la Silver ndipotu wati zonse zoyenera kuchita osewera ake awuzidwa kwatsala ndi kukagwira ntchito.

"Tasewerapo pa Silver kangapo koma sizikutipatsa mwayi kuti tidzachita bwino ayi, tikukumana ndi timu yabwino kwambiri yomwe zawo zambiri zimayenda komabe ifeyo tikukagwira ntchito," anatero Chimkwita.

Iye wati masomphenya awo anayika pogonjetsa Silver Strikers yomwe imawavuta kwambiri ndipo kenako kufika mu ndime yotsiriza ndilo khumbo lawo komwe akakumane ndi Blue Eagles kapena Wanderers omwe ali nawo mangawa.

Karonga inafikapi mu ndime yotsiriza ya chikhochi mu 2019 komabe inagonj

KARONGA YADANDAULA NDI OYIMBIRA KOMANSO MASAPOTA

Mphunzitsi watimu ya Karonga United Chrispin Chimkwita wadandaula ndi kayimbilidwe ka oyimbira pa masewero awo ndi Silver Strikers komanso masapota a Silver omwe akuti anawaopsera ndi kulimbana nawo.

Iye amayankhula atatha masewero omwe agonja 4-1 pa bwalo la Silver ndipo iye anayankhula mwa chining'a kuti oyimbira akamayimbira monga anachitira ndekuti masewero apita patsogolo mdziko muno.

"Mchigawo chachiwiri tinayamba mosiyana ndi choyamba zomwe zinatipangitsa kugona komabe tiyamikire oyimbira kuti ayimbira bwino, atamatero mpira utha kupita patsogolo komanso ochemerera kulimbana nafe tingoti tisayankhule kwambiri," iye anatero.

Pambali pa zonsezi, Chimkwita anatibe ndi okondwa ndi mmene timu yake ilili kunena kuti ali ndi timu yabwino.

Timuyi tsopano yatsika kufika pa nambala 13 ndi mapoints asanu ndi anayi pamaseweronso asanu ndi anayi.

"TIKUPEREKA OSEWERA KU MATIMU AKULUAKULU" - MAKONYOLA

Mphunzitsi watimu ya Karonga United, Audlow Makonyola, wati kupeza mapoints asanu pa maseweronso asanu kwa timuyi sikuti ndi zoipa kutengera kuti osewera ake ambiri ndi achisodzera ndipo sanayizolowere ligi yaikulu.

Iye amayankhula atatha masewero omwe agonja 4-1 ndi timu ya Mighty Wanderers pa bwalo la Mpira ku Blantyre lachitatu masana.

Iye wati timu yake inayamba motsika kwambiri ndi chifukwa chake inangopereka zigoli kupangitsa kuti agonje.

"Osewera 6 omwe anali mu timu ija akuchokera Ku timu yaing'ono kusonyeza kuti timuyi ndi yatsopano nde zitengabe ka nthawi kuti igwirane bwinobwino koma zikhala bwino," anatero Makonyola.

Iye wati timu yake ikupereka chilimbikitso kuti ikhala yapamwamba kamba koti inaonetsa mpira wokongola ngakhale kuti agonja ndi zigoli zochuluka.

Timuyi ikhalabe pa nambala 12 mu ligi angakhale yagonja poti ikadali ndi mapoints asanu pa masewero asanu.

KARONGA YAKONZEKA KUKUMANA NDI WANDERERS

Timu ya Karonga United yati ilibe mantha aliwonse patsogolo pa masewero awo ndi Mighty Wanderers ponena kuti akonzekera bwino masewerowa.

Mphunzitsi watimuyi, Audlow Makonyola, wayankhula mawuwa patsogolo pa masewerowa lachitatu pa bwalo la Mpira ndipo wati angakhale kuti anyamata atopa koma akasewerabe mmasewerowa.

"Anyamata akuoneka bwinobwino, sanatsikiretu poti tinali ndi masewero pompano. Kupambana ndi Civil ndi chilimbikitso chachikulu patsogolo pa masewerowa nde tikayesetsabe kuti tikatole kenakake," anatero Makonyola.

Iye watinso timu yake ilibe wosewera aliyense yemwe ndi wovulala ndipo chilichonse chili mchimake patsogolo pa masewerowa.

Timuyi ikulowa mmasewerowa ili pa nambala 9 pomwe ili ndi mapoints asanu pa masewero anayi omwe asewera mu ligi.

Civo 1 karonga 0