KODI NKHANI YA ALFRED MANYOZO ILIPATI?

Papitano miyezi yoposera inayi timu ya Mighty Mukuru Wanderers itayimitsa katswiri wawo, Alfred Manyozo Jr, kutsatira ndi kukwiya kwa masapota awo kuti katswiriyu asiye kusewera.

Owinna ikhonza kutsimikiza kuti Manyozo akuyenera kumawerengera za ligi ya chaka Chatha pomwe chaka chino nkhani yake ikuoneka kuti sikhudzidwa kutimuyi.

Akuluakulu atimuyi anati amuitana Manyozo akafufuza malipoti oti akumayankhula mosakhala bwino kwa osewera anzake komanso kuti amapanga ziganizo zochuluka kusiyana ndi aphunzitsi komatu mpaka pano palibe chachitika.

Mmbuyomu Owinna inalengeza kuti nkhani ya Manyozo sikhudzidwa kamba koti timuyi inayamba kuchita bwino atachoka ndipo mpaka pano palibe yemwe wayitosako.

Katswiriyu ndi mmodzi mwa osewera okhalitsa kutimuyi ndipo wapambana zikho zisiyanasiyana kuphatikiza ligi ya TNM mu chaka cha 2017.

Wolemba: Hastings Wadza Kasonga Jr

man of the match

MWAUNGULU KOMANSO SENAJI SAPEZEKA NDI KB

Osewera awiri a FCB Nyasa Big Bullets, Clyde Senaji komanso Patrick Mwaungulu, sapezeka pa masewero omwe timuyi ikukumana ndi Kamuzu Barracks mu ligi ya TNM kamba kovulala.

Wachiwiri kwa mphunzitsi watimuyi, Heston Munthali, watsimikiza za nkhaniyi patsogolo pa masewerowa pa bwalo la Kamuzu ndipo wati akuyembekezera masewero ovuta kwambiri.

"KB imativuta kwambiri mwina mu zaka ziwiri zapitazi timafanana mphamvu mwina kupambana movutikira nde tikuyembekeza kuti sabweranso mophweka koma anyamata akudziwa kufunikira kwa masewerowa." Anatero Munthali.

Mwaungulu wavulala mmasewero omwe timuyi inapambana 2-0 ndi Chitipa United pomwe Senaji sanapezeke mmasewerowa. Bullets ili pa nambala yoyamba mu ligi ndi mapointsi 50 pa masewero 23.

Wolemba: Hastings Wadza Kasonga Jr

"KUNYAMUKA KWAKUKULU KWA CIVO KULI MAWA" - CHIDATI

Wachiwiri kwa mphunzitsi watimu ya Civo United, Wilson Chidati, wati timu yake sikutuluka mu ligi ndipo umboni wake uliko pa masewero awo a lachitatu.

Iye amayankhula izi patsogolo pa masewero awo ndi timu ya Chitipa United pa bwalo la Civo ndipo wati timu yake yakonzeka poti masewerowa ndi ofunikira kwambiri.

"Akhala masewero ovuta kwambiri poti Chitipa nayo nditimu yabwino yomwe imachita bwino koma ndimasewero ofunikira kwambiri kuti tisunkhe kwakukulu mu ligi. Titsimikize kuti sitikutuluka mu ligi ndipo kunyamuka kwakukulu kukhalako mawa." Anatero Chidati.

Iye wati kulibe osewera yemwe ali ovulala kutimuyi ndipo iwo ali pa nambala 13 pomwe ali ndi mapointsi 29 pa masewero 25 omwe yatsala nawo mu ligi.

Wolemba: Hastings Wadza Kasonga Jr

KASONGA WATSOGOLERA MAFCO KUSWA MONACO

Katswiri wa timu ya MAFCO, Peter Kasonga, wagoletsa zigoli zisanu (5) ndipo Mphatso Philimon wamwetsa zitatu ndi zigoli zina za Dan Chimbalanga, Kingsley Nkhonjera komanso David Daudi zathandiza timuyi kufika mu ndime yamatimu 32 amu chikho cha Castel Challenge Cup atagonjetsa Mtengenji Monaco 11-0 pa bwalo la Civo masana a lachiwiri.

Kasonga anatsogoza MAFCO pa mphindi zinayi asanabwerenso pa mphindi 8 kuti masewero akhale 2-0 ndipo anathandizira chigoli cha Dan Chimbalanga pa mphindi 24 komanso Mphatso Philimon anamwetsa chake choyamba pa mphindi 25.

Kasonga anagoletsa chake chachitatu pa mphindi 27 pomwe Kingsley Nkhonjera anagoletsa pa mphindi 34 ndipo Kasonga yemweyo anagoletsanso pa mphindi zoonjezera mchigawo choyamba.

Mtengenji inalimba mchigawo chachiwiri komabe Philimon anaika pa 8-0 pa mphindi 56 asanabwere David Daudi pa mphindi 73, Kasonga anamwetsa chigoli chake chachisanu pa mphindi 89 ndipo Philimon anamaliza mu mphindi zoonjez