CHITIPA YAGONJA KOYAMBA PAKHOMO

Timu ya Chitipa United yagonja koyamba pakhomo mu ligi ya FDH Premiership chaka chino pomwe yagonja 4-0 ndi timu ya Mighty Wanderers pa bwalo la Chitipa lamulungu.

Timuyi inali isanagonjeko pakhomo chiyambireni ligi koma kugonja onse akoyenda ndipo inagoletsetsa zigoli ziwiri mu mphindi khumi kupangitsa Wanderers kusewera mtima uli mmalo.

Mphunzitsi watimuyi, Kondwa Ikwanga, wati zigoli zachangu kwambiri zomwe anagoletsetsa ndi zomwe zawapangitsa kuti avutike kwambiri mu masewerowa.

"Mukati muone zigoli ziwiri zoyamba zija, palibe chimene tinapanga basi kungowapatsa zomwe zili zoipa kwambiri nde poti zimachitika mu mpira, tibwerera kuti tikakonze zolakwika zathu," anatero Ikwanga.

Iye walimbikitsanso otsatira timuyi kuti asadere nkhawa kamba koti timuyi iyambiranso kuchita bwino posachedwapa.

Chitipa yakwanitsa kupambana masewero awiri ndi kugonja anayi ndipo ali ndi mapoints okwana asanu ndi imodzi pa nambala 13 mu ligiyi.

0-0

CHITIPA IKUCHITA BWINO PAKHOMO

Timu ya Chitipa United yakwanitsa kupambana masewero awo onse omwe ikusewera pakhomo pomwe yagonjetsa timu ya Civil Service United 1-0 kuti ifike pa nambala 7 mu FDH Premiership loweruka.

Timuyi yagonja kawiri koyenda koma ikukwanitsa kupambana masewero apakhomo zomwe zawathandizira kuti akhale ndi mapoints asanu ndi imodzi mu ligi.

Mu masewerowa, Zenga Manda anagoletsa chigoli chake chachiwiri mu ligi kuti akwanitse kupeza chipambano ndi kukhala oyamba kugonjetsa Civil.

Mphunzitsi wamkulu, Kondwa Ikwanga, wati ndi wokondwa kwambiri koma amafunitsitsa kuti apeze zigoli zodutsira ziwiri mmasewerowa.

"Ineyo Chimwemwe changa ndi chosawerengekatu chifukwa anyamata asewera bwino kwambiri ngati momwe tinakonzekerera ndithu," iye anatero.

Iye koma anati ayesetsa kuti azikwanitsanso kupeza zipambano koyenda osati pakhomo pokha komabe ndi zabwino kuti pakhomo akupagwiritsa bwino ntchito.

Chitipa ili pa nambala 7 mu ligi pomwe ili ndi mapoints asanu ndi imod

CHITIPA YAPEZA CHIPAMBANO CHOYAMBA MU LIGI

Timu ya Chitipa United yapeza chipambano chawo choyamba mu ligi ya chaka chino itagonjetsa Blue Eagles 1-0 pa bwalo la Chitipa loweruka masana.

Joseph Mbaga anamwetsa chigoli chokhacho cha mmasewerowa mu chigawo chachiwiri kuti timuyi ipeze chipambano kamba koti mmasewero awo oyamba anayamba ndi kugonja.

Mphunzitsi watimuyi Kondwa Ikwanga wati timu yake inapita mu masewerowa kuti ikwanitse kupeza chipambano basi kuti ayambe ulendo wawo wamu ligi.

"Lero timangomenya basi kuti tipeze chipambane, anzathu aja amenya mpira ndipo amatipanikiza koma timangofuna basi tipambane kuti tilimbe mtima pomwe tikupita chitsogolo poti kuyamba ndi kovuta ndiye zatheka," anatero Ikwanga.

Iye anati pali zambiri zomwe zikufunika kukonzedwa mu timuyi kuti izikwanitsa kuchita bwino pomwe wati sanasewere bwino kusiyana ndi masewero awo oyamba ndi Masters.

Timuyi tsopano yafika pa nambala yachisanu mu ligi pomwe ili ndi mapoints atatu pa masewero awiri mu ligi y

Chitipa United yapeza thandizo lokwana K505 million

Timu ya Chitipa United ikuyenera kukhala ndi moyo wosinthika mu ligi ya chaka chino kutsatira kupeza thandizo kuchokera ku makampani osiyanasiyana lokwana K505 million.

Izi zadziwika pa mwambo waukulu umene timuyi inakonza lachinayi mu boma la Chitipa.

Kampani ya Zambezi Industry ndiyomwe ili wothandiza wamkulu pomwe yaika K250 million ndipo izioneka pa makaka a timuyi ngati The Spirit of Honour mu mgwirizano wa zaka zitatu.

Enanso othandiza ndi a Xbreed Media Group omwe aziyikapo K150 million, a Pro System Tech aziyika K60 million komanso Blantyre Online College K45 million.

Timuyi inaonetsanso makaka omwe azigwiritsa mtchito mu ligi ya chaka chino pa mwambowu.

Timuyi ikukonzekera kusewera mu ligi ya chaka chino pomwe yakhalabe kuchokera mu 2023 pomwe inalowanso mu ligi.

Photo - Chitipa Platform news