Timu ya Ekhaya yatsimikiza kuti mphunzitsi wawo Enos Chatama wachoka pa ntchito yake kutimuyi.

Izi zikuchitika pomwe timuyi yatenga chikho cha Airtel Top 8 komabe yakhala ikuvutika mu ligi pomwe yatha pafupifupi miyezi iwiri opanda chipambano.

Chatama anayimitsidwapo ndi timuyi mmbuyomu kutsatira kuyamba mwa udyo kwa timuyi mu ligi.

"ANYAMATA AMAONA NGATI APAMBANA KALE" - CHATAMA

Mphunzitsi watimu ya Ekhaya FC Enos Chatama wati kaganizidwe ka osewera ake kachititsa kuti akanike kugonjetsa Goshen City Dedza Dynamos pomwe wati anawaderera masewerowa asanayambe.

Iye amayankhula atatha masewero omwe alepherana 1-1 pa bwalo la Mpira pomwe Blessings Malinda anagoletsa Ekhaya ndipo Marcos Chiwaya anamwetsa kumbali ya Dynamos.

Chatama wati osewera ake ayamba kumadelera masewero omwe akumaoneka ngati aang'ono zomwe zikufunika kusintha ndi cholinga choti azitha kupeza mapoints ambiri.

"Masewero akuluakulu aja tinachita bwino nde anyamata anazolowera kuti mwina awa ochepera mphamvuwa azipambana mophweka zomwe zikuyenera kuchoka kaganizidwe kameneka," anatero Chatama.

Iye anatinso timu yakeyi inaphonya mipata yochuluka komanso kuti masewerowa akanapambana mophweka koma osewera anawachepetsa kwambiri angakhale nthawi yomwe amatsogola.

Timuyi yafika pa nambala yachisanu pomwe ili ndi mapoints 17 pa masewero 12. Timuyi ya

EKHAYA YAKONZEKA KUKUMANA NDI KARONGA

Mphunzitsi watimu ya Ekhaya FC Enos Chatama wati osewera atimu yake akufunitsitsa atasewerako mu ndime yotsiriza ya chikho cha Airtel Top 8 ndipo ndi wokonzeka pa masewero awo amu ndime ya matimu anayi.

Iye amayankhula patsogolo pa masewero awo ndi Karonga United loweruka pa bwalo la Silver ndipo wati akudziwa kuti ali ndi timu yabwino kwambiri yomwe imugwilire ntchito.

"Masewero amu chikho amakhala ovuta pomwe timu yodelelekayo ndi yomwe imatha kukugonjetsani komabe anyamata ndi timu okonzeka kuti adzachite bwino," anatero Chatama.

Iye wati akudziwanso kuti Karonga ili ndi mbiri yabwino mu mpikisanowu koma sakuchita mantha kamba koti FCB Nyasa Big Bullets yomwe iwonso anayitulutsa inali ndi mbiri yabwinonso mu chikhochi.

Ndipo mtsogoleri wa osewera atimuyi Clever Nkungula wati osewera onse ndi okonzeka bwino pa masewerowa.

"Awa ndi masewero ovuta kwambiri komabe anyamata akudziwa kufunikira kwa masewerowa ndi ntchito yomwe ili patsogolo.

"TIVOMEREZE KUTI LERO TAGONJA" - CHATAMA

Mphunzitsi watimu ya Ekhaya FC Enos Chatama wati timu yake inali ndi zinthu zingapo zomwe sanachite bwino pa masewero awo zomwe zawachititsa kuti agonje koma akakonza chifukwa masewero ndi ochuluka.

Iye amayankhula atatha masewero omwe agonja 1-0 ndi Chitipa United ndi chigoli cha Chancy Kaonga mu chigawo chachiwiri pa bwalo la Chitipa loweruka masana.

Chatama wati mmbali mwawo mumakanika kuyenda kwambiri komanso kuti anakanika kumenyera pagolo zomwe zawachititsa kuti asachite bwino konse pa masewerowa.

"Zimachitiks mu mpira kugonja, tasewera masewero asanu ndi amodzi osagonja koma lero tagonja tivomereze tibwerera tikakonze ziwiri zitatu zomwe taona kuti zativuta," anatero Chatama.

Iye anati chipambano chikanakhala chofunikira kwambiri koma tsopano ayika chidwi pa masewero omwe atsala nawo kuti adzachite bwino.

Timuyi ikadali pa nambala yachisanu mu ligi pomwe ili ndi mapoints 16 pa masewero 11 omwe yasewera.

AKIDU WAPAMBANA MPHOTO YA MPHUNZITSI WAPAMWAMBA MU MAY

Wachiwiri kwa mphunzitsi watimu ya Ekhaya Fundi Akidu wapambana mphoto ya mphunzitsi wapamwamba mu mwezi wa May kutsatira kuchita bwino pomwe ankagwirizira pa ntchito yauphunzitsi kutimuyi.

Izi zadziwika pomwe bungwe la Super League of Malawi latulutsa zotsatira za mphotoyi yomwe anatulutsa mayina omwe akupikisana masabata atatu apitawa.

Akidu anatsogolera Ekhaya kupambana masewero atatu ndi kugonja amodzi pa nthawi imene mphunzitsi wamkulu Enos Chatama anali ku tchuthi.

Iye wagonjetsa mphunzitsi wa Blue Eagles De Kleck Msakakuona komanso Peter Mponda wa Masters FC kuti atenge mphotoyi.