AKIDU WAPAMBANA MPHOTO YA MPHUNZITSI WAPAMWAMBA MU MAY

Wachiwiri kwa mphunzitsi watimu ya Ekhaya Fundi Akidu wapambana mphoto ya mphunzitsi wapamwamba mu mwezi wa May kutsatira kuchita bwino pomwe ankagwirizira pa ntchito yauphunzitsi kutimuyi.

Izi zadziwika pomwe bungwe la Super League of Malawi latulutsa zotsatira za mphotoyi yomwe anatulutsa mayina omwe akupikisana masabata atatu apitawa.

Akidu anatsogolera Ekhaya kupambana masewero atatu ndi kugonja amodzi pa nthawi imene mphunzitsi wamkulu Enos Chatama anali ku tchuthi.

Iye wagonjetsa mphunzitsi wa Blue Eagles De Kleck Msakakuona komanso Peter Mponda wa Masters FC kuti atenge mphotoyi.

"BULLETS SINAPEZEKO MPATA WENIWENI" - CHATAMA

Mphunzitsi watimu ya Ekhaya FC Enos Chatama wati sanadandaule ndi zotsatira za masewero awo ndipo wayamikira osewera ake kamba kosewera mwapamwamba angakhale kuti aphonya mipata ingapo.

Iye amayankhula atatha masewero omwe alepherana 0-0 ndi FCB Nyasa Big Bullets ndipo wati anali masewero omwe mitima inali mmwamba komanso ziganizo zina zolakwika.

Iye wati timu yake inayesetsa kusewera mwapamwamba kuti apeze zigoli koma zinavuta komabe sakudandaula ndi zotsatirazi.

"Ndi anyamata chabe oti akuphunzira, lero taonapo malo atatu oti tikakonze ndiye tikhalabe tikumanga timu kuti 2027 tidzakhale ndi timu yokhazikika ndipo 2028 tizidzalimbirana zikho," anatero Chatama.

Kutsatira kupeza point imodzi, timuyi yafika pa nambala yachisanu pomwe ili ndi mapoints 16 pa zipambano zinayi, kufanana mphamvu kanayi ndi kugonja kawiri.

"MU MPIRA KULIBE KUBWENZERA" - CHATAMA

Mphunzitsi watimu ya Ekhaya FC Enos Chatama wati mu masewero ampira wamiyendo kulibe zoti timu ina imabwenzera chipongwe inzake koma kuti yomwe yakonzekera bwino ndi imene imapambana pa masewero.

Iye amayankhula patsogolo pa masewero atimuyi ndi FCB Nyasa Big Bullets lamulungu pa bwalo la Mpira ndipo anakumananso Sabata yatha mu masewero a chikho omwe Ekhaya inapambana.

Iye wati akuyembekezera masewero ovuta kwambiri poti Bullets idzabwera mwa mphamvu koma timu yake ndi yokonzeka pa masewero amenewa.

"Palibe phuma lomwe tiwapatse osewera athu patsogolo pa masewero amenewa chifukwa tili ndi masewero ochuluka kwambiri komanso Ife sitikuyang'ana ligi koma kuwalimbikitsa osewera athu kuti azisewera bwino," anatero Chatama.

Iye wamenanso ochemerera a timuyi kufika mwa unyinji kuti adzawapatse mphamvu pa masewerowa.

Ekhaya ilowa mu masewerowa ili pa nambala yachisanu pomwe ili ndi mapoints 15 pa zipambano zinayi, kufananitsa mphamvu katatu ndi kug

"WE NEED A 0-0 OR A 1-0 WIN" - CHATAMA

Ekhaya FC head coach Enos Chatama says his team must avoid conceding at all costs, as the away goals rule could knock them out and also warned that the match will go down to the wire.

Chatama was speaking on Friday ahead of the Airtel Top 8 quarterfinal second leg against FCB Nyasa Big Bullets at Mpira Stadium on Saturday.

He said they have kept clean sheets in their last two games and are hoping to maintain that defensive strength against The People’s Team.

"It will be a tough match because Bullets are a big team. They know that, as things stand, they are out of the tournament, so they will be looking to respond with a strong performance. But we are very ready," said Chatama.

He also downplayed the home advantage, saying both teams will be playing in a familiar environment, which gives neither side an edge.

The first leg ended 1-1, giving the Cowboys the advantage on away goals.

MPINGANJIRA SADZAYIMA KU FAM

Mtsogoleri wa timu ya Ekhaya FC William Mpinganjira sadzayimira pa mpando wa utsogoleri wa bungwe la Football Association of Malawi mu chaka cha 2027 pa zisankho za bungweli.

Izi zadziwika kutsatira chibaluwa chomwe timuyi yatulutsa lachisanu chosainidwa ndi mkulu wa ogwira ntchito kutimuyi Thando Mhango chofotokoza kuti mphekesera zimene zakhala zikumveka ndi zabodza.

Iye wati anthu ena adzalemba pa 20 June 2026 kuti Mpinganjira ayima nawo kuti adzapikisane ndi a Fleetwood Haiya pa mpandowu koma iwo ati mkuluyu waika chidwi chofuna kukweza timu ya Ekhaya Kuti ikhale yaikulu kwambiri m'dziko muno.

Iye wapemphanso masapota a timuyi kukhala kutali ndi mphekeserazi poti onse ndi okhumbira kuti ntchito za timuyi zipite patsogolo.

Mmbuyomu a Mpinganjira adanenanso kuti sakufuna kudzapikisana nawo pa mpandowu ndipo uku ndi kubwerenza kwa uthengawu.