"KUTULUKA AYI KOMA MWINA TILOWA MU LIGI YAIKULU" - BANGWE ALL STARS

Timu ya Bangwe All Stars yati ilibe mantha ena aliwonse kuti mwina itha kutuluka mu NBS Bank National Division ligi pomwe yati itha kukakamizanso kuti ilowe mu ligi yaikulu.

Wachiwiri kwa mphunzitsi wamkulu Davie Matemba ndi yemwe anayankhula mawuwa atagonja masewero awo achisanu mu ligi 1-0 ndi timu ya Extreme FC pa bwalo la Owen Malijani lamulungu.

Iye wati zinthudi sizikuyenda kutimu yake komabe akakamiza zinthu ndikuti masewero omwe atsala nawo akwanitse kuchita bwino.

"Tilibe mantha aliwonse ndipo sitingatuluke. Tatsala ndi masewero 15 ndekuti titapezako ma pointsi 35 ndekuti tikhoza kukakamiza ndikulowa mu ligi yaikulu," anatero Matemba.

Timuyi yapeza mapointsi awiri chabe mu ligi yaikuluyi pomwe sinapambaneko koma yangofananitsa kawiri ndi kugonja kasanu.

"IMENE IJA SINALI PENATE" - JOMO

Mphunzitsi wamkulu watimu ya Bangwe All Stars wapempha oyimbira kuti azipanga ziganizo zolondola pa masewero omwe aziyimbira ponena kuti ziganizo zolakwika zimapweteketsa matimu.

Iye amayankhula poonetsa kusakhutira ndi ntchito ya oyimbira pa masewero omwe alepherana 1-1 ndi FOMO FC pa bwalo la Mpira mu NBS Bank National Division League.

Osman wati penate yomwe FOMO inapatsidwa kuti ipeze chigoli chobwenzera mmasewerowa inali yabodza kupangitsa timu yawo kusachita bwino.

"Penanso oyimbirawa azipanga ziganizo zabwino chifukwa goloboyi wagwira mpira koma wosewera wa FOMO kukangoziponyapo basi ayimba. Mumajambula mukaonenso ngati ilidi penate," anatero Jomo.

Iye anatinso timu yake ikungodutsa mu nyengo yoipa kamba koti ikukanika kupeza chipambano koma ikusewera bwino ndipo posachedwapa ayamba kuchita bwino.

Bangwe yakhalabe pa nambala yachikhumi mu ligi pomwe ili ndi mapoints awiri itafananitsa mphamvu kawiri ndi kugonja kawirinso.

NKHANI

Timu ya Bangwe All Stars yalengeza kuti ikuyamba zokonzekera zake lachitatu pa 04 March 2026.

Iwo akuyitana osewera omwe akufuna kutumikira timuyi kufika pa bwalo la Kamuzu kudzayesa mwayi koma adzatenge ndalama yawo yoyendera pakuti sadzabwenzeredwa.

Timuyu yati mwayiwu ndi wa osewera okha omwe ali mu mzinda wa Blantyre.

Bangwe All Stars imasewera mu ligi yachiwiri yaikulu ya dziko lino ya NBS Bank National Division.

Safuli rescue Bangwe

Madalitso Safuli netted a 91st minute equaliser to deny Namitete Zitha a win as he helped Bangwe All Stars to snatch a point in a 2-2 draw at the Mpira Stadium on Sunday.

Zitha lead twice through Alexander Cosmas in the first half and Symon Chimenya in the second half but Seleman Mussah's 51st minute goal and Safuli's strike secured a point for the hosts.

Zitha's head coach, Richard Fosiko however blamed the officiation as it helped Bangwe to find an equaliser in thr game.

"It was an easy game as we came here to win, we lead twice and controlled the game but officiation was bad mostly in the second half which was not good for us." Said Fosiko.

Bangwe All Stars head coach, Isaac 'Jomo' Osman, said the preparations for the game was hard as they faced a team which they never knew they type of play.

"It was a tough game as we faced a team that we never knew of how they played so when training, we just do things basically not tactically but we worked hard and

NKHANI

Bangwe All Stars yomwe yasewera mu ligi yaikulu ya dziko lino mu zaka za 2023 mpaka 2024 yathetsedwa.

Mwini wake watimuyi, Mphatso Jika, watsimikiza za nkhaniyi poyankhula ndi wayilesi ya MBC Radio 2 lachiwiri ku mmawa.

Iye wati chiganizochi chabwera kamba koti sangakwanitsenso kuthandiza timuyi pa nkhani ya za chuma poti amagwiritsa za mnthumba mwake.

Timuyi inalowa mu ligi yaikuluyi kuchokera ku ligi yaing'ono yakummwera mu chaka cha 2022 ndipo inathera pa nambala 6 mu chaka choyamba asanatuluke chaka chathachi.

Izi ndi chimodzimodzi matimu ngati a Sable Farming ndi Masters Security omwe anathetsedwa atangotuluka mu ligiyi.