"TIKUYENERA KUPAMBANA MASEWEROWA" - SIBALE

Mphunzitsi wachiwiri kutimu ya Blue Eagles, Christopher Sibale, wati timu yake ikuyenera kupambana masewero awo ndi timu ya Karonga United ndi cholinga choti achoke kumunsi kwa ligi komwe iwo ali.

Iye amayankhula izi patsogolo pa masewero omwe aliko pa bwalo la Karonga lamulungu ndipo wati akudziwa kuti akhale ovuta chifukwa choti Karonga ikuchita bwino.

"Akhala masewero ovuta poti Karonga ikuchita bwino komabe ife takhonzeka kuti tikachite bwino, anyamata tawauza kuti akapita kutsogolo azigwiritsa ntchito mwayi uliwonse omwe aziupeza." Anatero Sibale.

Iye wati chipambano mtsiku la lero chikhale chabwino kwambiri poti timuyi ichoka kumunsi komwe iwo ali ndikuti asadzatuluke mu ligi ya TNM.

Eagles ili pa nambala yachitatu kuchokera kumunsi pomwe ali ndi mapointsi 20 pa masewero 19 omwe asewera mu ligi ya chaka chino.

"SITINAFIKEPO" - KAJAWA

Mphunzitsi watimu ya Karonga United, Trevor Kajawa, wati timu yake sinafikepo pomwe akuyang'ana zokumana ndi timu ya Blue Eagles pa bwalo la Karonga lamulungu.

Kajawa wayankhula izi patsogolo pa masewerowa ndipo wati masewero ndi Blue Eagles ndi osiyana ndipo akuyenera kuwatenganso mosiyana komanso osawaderera.

"Akhala masewero ovuta kwambiri kutengera kuti Eagles ndi timu Ina yabwino, tisawaphweketse chifukwa ali kumunsi koma tikuyenera kuti tiwalemekeze ndikukasewera kuti tipambane"

"Sitikutengera kuti tinawagonjetsa 1-0 pa kwawo kapenaso kuti tikupambana ayi, tisakomedwe ndipo sitinafikepo, tikuyang'anabe masewero aliwonse paokha." Anatero Kajawa.

Karonga ili pa nambala 6 ndi mapointsi 27 pa masewero 20 ndipo sinatayeko mapointsi pansi pa Kajawa.

CHAWANANGWA AONONGA MATIMU

Katswiri wa Flames, Chawanangwa Kaonga, wagoletsa chigoli chake chachiwiri mmasewero otsogozana dzulo pomwe timu yake ya Zanaco inagonjetsa Trident FC 2-0 mu ligi ya MTN Supa ligi ku Zambia.

Kaonga anagoletsa chigolichi pa mphindi 34 za masewerowa kuti timuyi itsogole asanabwere Dennis Ndondo pa mphindi 68 za masewerowa kuti timuyi ipeze chipambano chake choyamba mu ligi ya chaka chino.

Chawanangwa tsopano ali ndi zigoli ziwiri mmasewero atatu pomwe anagoletsanso lachitatu ndi FC Muza ndipo timu yake yatolera mapointsi asanu (5) pa masewero atatu tsopano.

#Tawonga2023

Today match

tnm superleageu