Majido

2023 FIFA WOMEN'S WORLD CUP CHAMPIONS! 🏆🇪🇸

Spain have won the Women's World Cup after beating England 1-0! 🏆️🇪🇸

🇪🇸 A brilliant performance from La Roja who win their first major honour.

2 - 1 big Bullets

"NDI NTCHITO YAKE" - NYAMBOSE WAKANA KUKWEZA NYASULU MU MTENGO

Mphunzitsi watimu ya Mighty Wakawaka Tigers, Christopher Nyambose, anakanika kuyamikira goloboyi wa timu yake, Innocent Nyasulu, atachotsa mapenate awiri mmasewero omwe anagonjetsa Dedza Dynamos 2-0 ponena kuti ndi ntchito yake.

Nyambose anati chipambano cha timuyi chinabwera kudzera mu kulimbikira kwa ntchito zake ndipo Nyasulu monga wapagolo amayenera kugwiranso ntchito yake.

"Yah ndi mnyamata wabwino ndipo amatithandiza kwambiri, kuchotsa mapenate awiri ndi chinthu cha mtengo wapatali koma ngati amakhala pamene paja ndekuti ndi ntchito yake, ndife odala poti tili naye." Anatero Nyambose.

Nyasulu tsopano wachotsa mapenate asanu mu chaka chokha chino mu ligi ya TNM ndipo anasankhidwa kukhala osewera wapamwamba mmasewerowa kachisanunso mu ligi ya chaka chino.

Tigers tsopano yafika pa nambala 11 mu ligi pomwe ili ndi mapointsi 18 pa masewero 18 omwe yasewera mu ligiyi.

"TATEMPHA AKULUAKULU AKAMBURANE NDI OSEWERA PA OKHA" - KANANJI

Mphunzitsi watimu ya Blue Eagles, Eliya Kananji, wati wapempha kuti akuluakulu atimuyi ayankhulane ndi osewera atimuyi pa zimene zikuvuta kutsatira kusachita bwino angakhale kuti akumasewera bwino mmasewero awo.

Kananji amayankhula izi pomwe timu yake inagonja 1-0 pakhomo ndi timu ya Moyale Barracks loweruka ndipo yataya mapointsi ochuluka mmasewero awo angakhale kuti anapeza mipata yochuluka.

Koma Kananji wati izi ndi zodabwitsa ndipo mwina pali vuto kuti anyamata ake asamapeze zigoli.

"Izi ndi zodabwitsa ndipo nzosowetsa kuti tiziti chani chifukwa chilichonse tikupanga koma anyamata akukanika kugoletsa nchifukwa chake tapempha akuluakulu atimuyi kuti ayankhulane ndi osewera kwa okha mwina atha kumatiopa." Anatero Kananji.

Kutsatira kugonjako, Eagles ili pa nambala 15 ndi mapointsi 17 pamasewero 18 a mu ligi ya TNM.