Katswiri watimu ya Scorchers, Bernadette Mkandawire, wabwerera ku timu ya FCB Nyasa Big Bullets Women komwe wasaina mgwirizano wa ka nthawi kochepa.

Mkandawire anali mu dziko la Kazakhstan komwe amasewera mu timu ya BIIK Shymkent komwe anapitako mu mwezi wa December mu chaka cha 2024.

Iye anakwanitsa kugoletsa zigoli ziwiri mu ligi yomwe ikadaseweredwabe mdzikolo ndipo anapita pamodzi ndi Vanessa Chikupira ku timuyi.

Kubwera kwake kuthandize timu ya Bullets Women yomwe ikusewera mu ligi ya National Bank of Malawi National Women's Premiership..

Timu ya FCB Nyasa Big Bullets yalengeza kuti katswiri watimu ya amayi yawo, Tendai Sani wachotsa kutimuyi pomwe amugulitsa kutimu ya ZISD yomwe imasewera mu ligi ya amayi yaku Zambia.

Katswiriyu anapita kutimuyi pomwe inali Blantyre Zero mu 2022 ndipo wakhala wofunikira kwambiri pomwe amagoletsa zigoli kutimuyi.

Uyu ndi osewera Wachiwiri mu sabata ino kulowera mmayiko a kunja kutsatira kuchokanso kwa Faith Chimzimu kupita ku timu ya FC Hacken kuchokera ku Ascent Academy.