"MAPOINTSI TSOPANO ATSEGUKA KU BAKA" - MWALWENI

Mphunzitsi watimu ya Baka City, Kondwani Mwalweni, wati tsopano timu yake yapeza poyambira kuti izichita bwino mu ligi pomwe tsopano yapeza chipambano chawo choyamba mu ligi ya TNM.

Iye amayankhula atatha masewero omwe agonjetsa timu ya Bangwe All Stars 2-0 loweruka masana ndipo wati anyamata ake anasewera bwino kwambiri ndiponso anaonetsa mtima wofuna kupambana.

"Tithokoze Mulungu chifukwa chopeza chipambano chimenechi komanso tiyamike anyamata lero agwira Ntchito, anaoneka kuti mtima wopambana ulipo lero nde chipambano choyamba chatipatsa poyambira kuti tipezebe mapointsi ambiri." Anatero Mwalweni.

Timu ya Baka City tsopano yafika pa nambala yachikhumi ndi chisanu (15) ndi mapointsi asanu ndi awiri (7) pa masewero khumi ndi amodzi omwe yasewera.

"CHIPAMBANO CHOYAMBA CHITHA KUCHIPEZA" - MWALWENI

Mphunzitsi watimu ya Baka City, Kondwani Mwalweni, wati anyamata ake akangokwanitsa kupeza chipambano chawo choyamba kukhale kuyamba kwa kuchita bwino pomwe tsopano zinthu zikuoneka zasintha kutimuyi.

Iye amayankhula patsogolo pa masewero awo ndi timu ya Bangwe All Stars ndipo wati timu yake yakonzeka bwino kuti achite bwino mmasewerowa ndipo ngati nkotheka apeze chipambano chawo choyamba.

"Masewero ndi KB anapita awa ndi masewero ena nde takonza mavuto omwe tinawaona moti apa tikayambira pompo nde tikungowalimbikitsa anyamata athu, tikangopeza chipambano choyamba kukhala kukhazikika ndithu tsogolo likuoneka lowala." Anatero Mwalweni.

Timu ya Baka City ndi yokha imene sinapezeke chipambano mu ligi ya TNM ndipo ili pansi penipeni ndi mapointsi anayi (4) pa masewero khumi omwe yasewera.

"TIKUYENERA TIZIGANIZA ZOPAMBANA TSOPANO" - MWALWENI

Mphunzitsi watimu ya Baka City, Kondwani Mwalweni, wati anyamata ake akuyenera kuyiwala za kale ndikuyamba kuganiza zatsopano kuti zinthu zisinthe ndipo apeze chipambano chawo choyamba.

Iye amayankhula atatha masewero omwe agonja 3-0 ndi timu ya Civo ndipo wati sizimene amayembekezera poti amafuna chipambano.

"Inde tagonja zativuta ndipo si zomwe timayembekezera. Anyamata akufunikira kusintha kaganizidwe kawo cholinga ayiwale zakale ndipo zitithandiza kupeza chipambano koma mmene zikuonekera, posachedwapa ziyenda." Anatero Mwalweni.

Timu ya Baka City yabwereranso pansi pa ligi pomwe ali ndi mapointsi atatu okha ndipo sanawinepo koma kufanana mphamvu katatu ndi kugonja kasanu ndi kamodzi.

"WE ARE GOING TO GET MAXIMUM POINTS" - MWALWENI

Baka City Interim coach, Kondwani Mwalweni, said time has come for the team to get their first win of the season as they have carried every weapon to use on Friday.

He said this ahead of the team's match against Civo United at the Civo Stadium and said they have no barrier which can restrict them to pick their first win.

"We are ready for Civo, we know it would be tough but we have waited for our first win and I think we will get it on Friday, we are going there for maximum points." Said Mwalweni.

The team is one of the two teams in the 2024 season not to have picked a win as they have managed three draws and five defeat and are placed 15th with just three points.

"TIMAKHALA KWAMBIRI KUMBUYO MCHIGAWO CHACHIWIRI" - MWALWENI

Mphunzitsi wogwirizira kutimu ya Baka City, Kondwani Mwalweni, wati timu yake inakhalitsa kwambiri mchigawo chawo mu chigawo chachiwiri zomwe zapangitsa kuti abwenzetse chigoli pa masewero awo.

Iye amayankhula atatha masewero omwe alepherana 1-1 ndi timu ya Creck Sporting Club pa bwalo la Karonga ndipo wati anthu adekhe chifukwa posachedwa apeza chipambano chawo choyamba.

"Anali masewero abwino ndipo tinayamba bwino mpaka tinapeza chigoli koma mchigawo chachiwiri anyamata anakhazikika mchigawo mwathu zomwe zinathandiza kuti tingopereka chigoli mwina tikanakhala kuti timapita kutsogolo tikanapambana." Anatero Mwalweni.

Iye wati timu yake ikadali ndi mwayi wotsala mu ligi pomwe wati tsopano anyamata ayamba kuchita bwino ndipo ayamba kupambana.

Timuyi ili pansi penipeni pa ligi pomwe yagonja kasanu ndi kufanana mphamvu katatu ndipo ali ndi mapointsi atatu pa masewero asanu ndi atatu (8).