"TIKUFUNITSITSA CHIPAMBANO KUPOSA CHITIPAYO" - KAJAWA

Mphunzitsi watimu ya Karonga United, Trevor Kajawa, wati timu yake ikufunitsitsa kuchita bwino mmasewero awo kusiyana ndi Chitipa United pomwe yati ikufuna kumatolera ma points masewero omwe akusewera.

Iye amayankhula patsogolo pokumana ndi Chitipa United lamulungu pa bwalo la Karonga ndipo wamema masapota awo kufika pa bwaloli kuti adzawapatse mphamvu.

"Ndi masewero ovuta kutengera kuti anzathuwa akuchoka kogonja komabe ifeyo tikufunitsitsa chipambano kuposa iwowo. Mbiri simagwira ntchito awa ndi masewero ena nde masapota abwere tiwapatsanso zosangalatsa." Anatero Kajawa.

Timuyi inayamba ndi kupambana 1-0 mmasewero awo oyamba mu ligi ndipo tsopano Ali pa nambala yachisanu ndi chiwiri (7) ndi mapointsi atatu.

Chitipa 0 FCB nyasa bb 0

hawadi juma

"TIKAYESETSA KUTI TICHITE BWINO" - MWASE

Wachiwiri kwa mphunzitsi watimu ya Mighty Mukuru Wanderers, Meke Mwase, wati timu yake yakonza mavuto omwe timakumana nawo mmene amasewera ndi Kamuzu Barracks ndipo akuyembekezeka kukachita bwino ku Mulanje.

Mwase amayankhula patsogolo pa masewero omwe akumane ndi FOMO pa Mulanje Park Stadium ndipo wati akachita chilichonse chothekera kuti akapambane masewerowa.

"Takonzeka bwino kwambiri ndipo tinayamba ndi kulepherana ndi KB ndipo mavuto athu takonza, tikukumana ndi FOMO ku Mulanje omwe ndi masewero ovuta koma tikayetsetsa kuti tipambane." Anatero Mwase.

Iye wamema Manoma kuti afike pa bwaloli kuti akayipatse moto timuyi pomwe ikukalavula moto ku Mulanje.

Wanderers ili pa nambala Khumi (10) my ligi pomwe ili ndi point imodzi pa maseweronso amodzi.

"TAKONZEKA BWINO KUTI TIPAMBANE" - NGINDE

Mphunzitsi watimu ya Creck Sporting Club, Macdonald Mtetemera, wati timu yake yakonzekera kwambiri ndipo aliyense akufuna atatenga mapointsi atatu lamulungu.

Iye amayankhula patsogolo pokumana ndi timu ya Moyale Barracks lamulungu pa bwalo la Civo ndipo wati alibe phuma lililonse pa anyamatawa koma akungofuna kuti azichita bwino mmasewero awo.

"Takonzekera kwambiri masewerowa mukudziwa Moyale ndi timu ina yabwino koma anyamata akudziwa kufunikira kopambana masewerowa ndipo aliyense akufuna 3 points. Tilibe phuma lililonse, awa ndi ana nde sitingawapatse phuma lililonse tikungofuna tizichita bwino mmasewero omwe tikumenya basi." Anatero Nginde.

Timu ya Creck inayamba mwapamwamba mu ligi ya TNM pomwe inagonjetsa Waka Waka Tigers 3-1 ndipo padakali Pano ili pa nambala yachitatu mu ligi.