Giving chance sliver to win
3-1

Thumbsup fixture

"TAKONZA MAKA KUTSOGOLO" - CHIRWA

Mphunzitsi watimu ya FOMO, Gilbert Chirwa, wati timu yake yaunikira mavuto awo onse omwe anavutika mmasewero omwe anagonja ndi Creck Sporting Club sabata yatha ndipo akuyembekezera kuchita bwino loweruka.

Iye amayankhula patsogolo pa masewero omwe akumane ndi MAFCO pa bwalo la Chitowe ndipo wati iwo akonzeka.

"Takonzekera bwino kwambiri masewerowa ndipo molalo ili pamwamba pakati pa anyamatawa. Tawunikira monse momwe timafooka maka kutsogolo ndipo ndikukhulupilira tikachita bwino." Anatero Chirwa.

Timu ya FOMO ili pa nambala 12 pomwe ili ndi mapointsi 7 pa masewero 7 omwe yasewera mu ligiyi.

"MASAPOTA AMAFUNA KUPAMBANA KOMA ADEKHE" - KADZUWA

Mphunzitsi watimu ya Chitipa United, Macnerbert Kadzuwa, wati masapota omwe amakuwa potsutsana ndi ziganizo zake adekhe poti pali masewero ochuluka omwe asewere kutsogoloku.

Iye amayankhula atatha masewero omwe agonja 3-1 ndi Civo United pa bwalo la Karonga lachisanu ndipo wati masapota amafuna kuwina mpake akukuwa koma afatse poti mtunda ukadalipo.

"Masapota ndi khalidwe lawo loti amafuna nthawi zonse kupambana koma adekhe chifukwa tatsala ndi masewero ochuluka omwe atithandize kuti tibwerere pomwe tinali chaka chatha nde atipangebe sapoti kuti tichite bwino." Anatero Kadzuwa.

Iye watinso bungwe la Super League of Malawi nthawi zina lizitha kuwamva zodandaula zawo poti maulendo awo amakhala ataliatali nde amatopa.

Timuyi yapambana kamodzi , kufanana mphamvu kawiri ndikugonja kasanu pomwe ali ndi mapointsi asanu pa masewero 8 pa nambala 14.

"MKWIYO WA CIVO TIKAPHWESERA PA SILIVER" - KAUNDA

Mphunzitsi watimu ya Karonga United, Oscar Kaunda, wati timu yake yakonzeka kuthetsa mbiri ya timu ya Silver Strikers kuti sinagonje mu ligi pomwe akuyang'ana zoyigonjetsa akakumana.

Iye wayankhula patsogolo pa masewero omwe aliko loweruka pa bwalo la Silver ku Lilongwe ndipo wati mantha palibe poti ali ndi mkwiyo kamba kofanana mphamvu ndi Civo ndipo akaphwetsera pa mabanker.

"Takonzekera bwino kwambiri mukudziwa kuti tikuchoka kofanana mphamvu ndi Civo nde tili ndi mkwiyo omwe tikaphwetsere pa iwo. Akuchita bwino sanagonjeko koma chilichonse chili ndi chiyambi nde titha kukakhala oyamba kuwagonjetsa." Anatero Kaunda.

Iwe wati timu yake ilibe osewera aliyense ovulala ndipo chomwe akungodikira ndi kugonjetsa timuyi basi.

Karonga ili pa nambala yachisanu ndi chinayi (9) pomwe ili ndi mapointsi asanu ndi anayi (9) pa masewero asanu ndi awiri (7).