"KODI ZIKUFUNIKA KUTI MAKOCHI TIZIKALOWA M'BWALO?" - KANANJI

Mphunzitsi watimu ya Blue Eagles, Eliya Kananji, wadandaula kuti timu yake inangopereka zigoli pomwe tsopano timuyi yatuluka mu chikho cha Castel atagonja 4-2 ndi Silver Strikers.

Kananji amayankhula atatha masewerowa ndipo wati sakudziwano kuti osewera aziwayankhula motani chifukwa akumachita zosiyana ndi zomwe akuuzidwa ngakhale timu yawo ikumasewera bwino.

"Tivomereze tagonja 4-2 ndi timu ya Silver Strikers, chibwana chimalanda olo mutatenga CR Socials zigoli zomwe tachititsa lero sangachinyitse, tangopereka zigoli nde zikumadabwitsa kuti mwina tizikalowa makochi m'bwalomo chifukwa kuwauza sindikudziwa kuti akuganiza bwanji akumapanga zina." Anatero Kananji.

Zateremu timuyi tsopano yamaliza chaka cha 2023 ndipo ayamba kukonzera umoyo wawo mu ligi yaying'ono ya Chipiku Stores ya chigawo chapakati atatuluka mu ligi ya TNM.

Wolemba: Hastings Wadza Kasonga Jr

"CHANZERU NDI KUWINA OSATI KUMENYA BWINO" - M'GANGIRA

Wachiwiri kwa mphunzitsi watimu ya Silver Strikers, Peter M'gangira, wati ndi zabwino kuti timu yake yapitilira mu mpikisano wa Castel Challenge Cup ndipo zoti sanamenye bwino sizofunikira kwambiri.

Iye amayankhula atatha masewero omwe apambana 4-2 pa bwalo la Bingu lachitatu ndipo wati timu yake inachilimika angakhale kuti simasewera bwino mmasewerowa.

"Tinayamba movutika kwambiri ndipo anzathuwa anatichinya komabe anyamata anayesetsa mpaka tinatsogola kenako kachibwana tinapangitsa penate koma mphunzitsi kopumulira anawayankhula osewera ndipo agwiradi ntchito." Anatero M'gangira.

Iye wati timu yake ichita chothekera kuti mipikisano iwiri ya Airtel Top 8 komanso Castel yomwe ali mu ndime ya matimu anayi atengeko mwina chimodzi kapena zonse. Zateremu, timuyi ikumana ndi Bangwe All Stars mu ndime ya matimu anayi.

Wolemba: Hastings Wadza Kasonga Jr

"CHIGOLI ANAWANGOWAPATSA A BULLETS CHINATIBALALITSA" - CHIRAMBO

Mphunzitsi watimu ya Ekwendeni Hammers, Elias Chirambo, wati chigoli chomwe FCB Nyasa Big Bullets inapeza choyamba mmasewero omwe matimuwa anakumana chinali chongowapatsa ndipo chinasokoneza osewera ake.

Iye wayankhula izi atatha masewero omwe agonja 4-0 pa bwalo la Kamuzu kuti atuluke mu chikho cha Castel ndipo wati izi ndi kamba koti chigoli choyamba chinali chabodza.

"Masewero anali abwinobwino ndipo timasewera bwino koma chigoli choyamba cha Bullets anangowapatsa nde chinawakhumudwitsa anyamata anga. Ndi osewera ambiri oti amasewera timu yathu yaing'ono nde nzovuta kusewera ndi Bullets ndikumawapatsa zigoli chonchi." Anatero Chirambo.

Zigoli ziwiri za Hassan Kajoke ndi chimodzi aliyense cha Patrick Mwaungulu ndi Precious Sambani ndi zomwe zathandizira kuti Bullets ipitilire mu ndime Ina. Zateremu, Hammers yamaliza chaka chino ndipo ipita kopumulira.

Wolemba: Hastings Wadza Kasonga Jr

"I WANT MY PLAYERS NOT TO BE FAVOURED BUT PROTECTED" - PASUWA

FCB Nyasa Big Bullets head coach, Callisto Pasuwa, says his players are not protected by the referees in their matches and this is leading to too much injuries to their side.

He said this after their 4-0 victory over Ekwendeni Hammers in the Quarter finals of the Castel Challenge Cup at the Kamuzu Stadium and ahead of the big Blantyre derby, he said his players needs to be protected.

"I am now becoming worried because my players are not protected, you see in each and every game we are losing players, it's now 10 players imagine and today we have changed two players, not even a yellow card so I don't want to be favoured no but they have to be protected." Said Pasuwa.

In the match, Maxwell Gasten Phodo was replaced by Peter Banda on 62nd minute due to an injury after he was fouled in the box but the referee had no interest while Ephraim Kondowe spent just 7 minutes in the pitch and Stanley Biliati replaced him for a knock.

BULLETS YAMVANA NDI AARON

Timu ya FCB Nyasa Big Bullets yamvana ndi katswiri wapakati wa Civo United, Lloyd Aaron, kuti akatumikire timuyi chaka cha mawa ndipo Bullets yalembera kalata Civo kupempha ntchito za katswiriyu.

Bullets yalemba kuti ikusungira K3 million pa mnyamatayu ndikuti akhonza kuwapatsakonso osewera ena ngati mbali imodzi ya malondawa.

Pamene tinkapumulira ligi, katswiriyu anafunidwapo ndi matimu a Mighty Mukuru Wanderers komanso Silver Strikers ndipo Civo inati K15 million ndi yomwe amafuna pa katswiriyu.