"POINT IMODZI NDI YOLANDILIKA" - CHIRWA

Mphunzitsi watimu ya FOMO FC, Gilbert Chirwa, wati kupeza point imodzi pa masewero awo ndi Premier Bet Dedza Dynamos ndi zolandilika kusiyana ndikugonja ndipo wayamika osewera ake kamba kolimbikira kuti abwenze chigoli nthawi yothaitha.

Iye amayankhula atatha masewero omwe afanana mphamvu 1-1 pa bwalo la Mulanje Park ndipo wati anali ndi masewero ovuta poti Dedza inakonzeka kwambiri.

"Anali masewero ovuta kwambiri poti Dedza Dynamos ndi timu yabwino kwambiri ndipo inatidzidzimutsa ndi penate ija koma anyamata anayesetsa mpaka tabwenza, point imodzi ndi yabwino kusiyana ndi kugonja." Anatero Chirwa.

Timuyi tsopano ili pa nambala yachikhumi ndi chitatu (13) ndi mapointsi okwana 11 pa masewero khumi (10) omwe yasewera mu ligi yawo yoyamba ya TNM.

"WE HAVE A HUGE HOMEWORK" - PASUWA

FCB Nyasa Big Bullets head coach, Kalitso Pasuwa, said his team has a huge work to do in order to start getting positive results as their striking forcing is missing a lot of chances they are getting in their matches.

He said this after his team dropped yet other two points in their 1-1 draw against Creck Sporting Club at the Civo Stadium and said they need a players to be scoring as only Patrick Mwaungulu is scoring at the team.

"Remember, we are coming back from a loss and today we have picked a point and I think we need to do more in terms of how we hit the net but I think we are having so many chances but we are failing to take and we only have one boy who is scoring and we need everyone to be scoring so i think it's a home work for us coaches to sit down and look into this." Said Pasuwa.

The People's team remain on fifth position as they now have 15 points from 10 games they have played this season.

📷: FCB Nyasa Big Bullets media

"POMPANO TIKHALA TIMU YOTI ANTHU ATIKAMBA" - MTETEMERA

Mphunzitsi watimu ya Creck Sporting Club, Macdonald Mtetemera, wati timu yake tsopano ikubweramo mmene amafunira ndipo posachedwa ikhale timu imene anthu atayikambe kuti ikuzizwitsa matimu ena mu ligi.

Iye amayankhula atatha masewero omwe afanana mphamvu 1-1 ndi timu ya FCB Nyasa Big Bullets ndipo wati wakhutira ndi zotsatira za masewerowa poti masewero akuvuta mu ligi ya chaka chino.

"Ndakhutira ndi point imodzi chifukwa mapointsi akuvuta kupeza mu ligi ya chaka chino nde ndithokoze anyamata chifukwa asewera mozipereka mpaka tapeza point imodzi sitingayichepetse ndi yambiri imeneyi." Anatero Mtetemera.

Iye watinso timuyi posachedwa ikhale yovuta kusewera nayo chifukwa izipanga zomwe anthu samayembekezera ndipotu anyamata ake akumamvera kwambiri zomwe iye akuwauza.

Timuyi ili pa nambala yachisanu ndi chimodzi (6) pomwe ili ndi mapointsi Khumi ndi asanu (15) pa masewero khumi omwe yasewera mu ligi.

"ZINAONEKA KU ZOKONZEKERA KUTI TIWINA" - MWASE

Mphunzitsi watimu ya Mighty Mukuru Wanderers, Meke Mwase, wathokoza anyamata ake kamba kolimbikira kuti apeze chipambano pomwe timuyi imasewera ndi timu ya Civil Service United lamulungu.

Iye amayankhula atatha masewero omwe apambana 3-0 ndi zigoli za Christopher Kumwembe ndipo wati kulimbikira kunayambira ku zokonzekera ndipo amadziwa kuti Iwo awina.

"Zinaonekeratu mmene timakonzekera kuti tiwina chifukwa anyamata analimbikira kwambiri ndipo mmasewerowanso tiwathokoze anayikapo mtima mpaka tapeza zigoli zitatu, chipambano ichi ndi chofunikira kwambiri." Anatero Mwase.

Iye wayamikiranso Kumwembe pogoletsa zigoli zitatu mmasewerowa ndipo wati anyamata akamalimbikira amapeza phindu lochuluka poti watola ndalama zambiri.

Manoma tsopano ali pa nambala yachiwiri mu ligi pomwe ili ndi mapointsi 18 pa masewero Khumi (10) omwe yasewera mu ligiyi.

📷: Ark Tembo

"TAGONJA TOKHA POPEREKA ZIGOLI" - MAKAWA

Mphunzitsi watimu ya Civil Service United, Abbas Makawa, wati timu yake yagonja ndi timu ya Mighty Mukuru Wanderers chifukwa choti apereka zigoli okha kutimuyi.

Iye amayankhula atatha masewero omwe agonja 3-0 ndipo wati zangowavuta poti anyamata ake ndi omwewo omwe akhala akuchita bwino ndi timuyi mmbuyomu.

"Tagonja tokha masewerowa chifukwa tinapeza mpata wabwino koyambilira koma tinaphonya kenako Wanderers inabweramo tayipatsa chigoli kenako tinazitolera tapereketsanso chigoli kenako chachitatu nde tibwerera tikakonza ndipo zikhala bwino." Anatero Makawa.

Timuyi tsopano ili pa nambala yachisanu ndi chitatu (8) pomwe ili ndi mapointsi 14 pa masewero khumi (10) omwe yasewera mu ligi ya chaka cha 2024.

📷: Ark Tembo