''Padakali panopa sitinapulumuke mu ligi'' - Lungu

Mphunzitsi watimu ya Ntaja United, Mavuto Lungu, wati akuyitengabe timu yake ngati ikadalibe ku chigwa cha matimu otuluka mu NBS Bank National Division League ndipo adzasangalala akadzatsimikizika kuti apulumuka mu ligi.

Iye amayankhula kutsatira kupambana 2-1 ndi timu ya Chintheche United pa masewero omwe akanati agonja akanatuluka mu ligi koma atuluka mu chigwachi ndipo wati timu yake inasewera bwino kwambiri.

''Tikuzitenga kuti tikadalibe komwe kuli matimu otuluka, inde tapambana koma sitinasunthe ndipo ntchito ikadalipobe yambiri nde tichilimika tidzasangalalanso tikadzatsimikizika kuti tapulumuka mu ligi,'' anatero Lungu.

Timuyi ili pa nambala yachisanu ndi chitatu pomwe ili ndi mapointsi okwana 26 pa masewero 21 omwe yasewera mu ligi.

''Takhumudwa ndi kayimbilidwe pa masewerowa'' - Kayuni

Mphunzitsi watimu ya Chintheche United, Kaloti Kayuni, wati ndi wokhumudwa ndi penate yomwe oyimbira anapereka ku timu ya Ntaja United kamba koti palibe yemwe anagwetsedwa kapenz kugundidwa.

Iye amayankhula atagonja 2-1 ndi timu ya Ntaja United pa bwalo la Balaka ndipo wati timu yake inasewera bwino kwambiri koma penateyo yawapweteka pa masewerowa.

''Tinapeza mipata yochuluka mu chigawo choyamba koma tinakanika kugoletsa ndipo mchigawo chachiwiri tinapeza chigoli komano oyimbira anapereka penate yomwe palibe anagundidwa ndipo takhumudwa ndi kayimbilidwe ka mmasewerowa,'' anatero Kayuni.

Iye wati timu yake ikadali ndi mwayi wotsalira mu ligi ndipo mu masewero awo omaliza ndi timu ya FOMO adzachilimika kuti adzachitd bwino.

Timuyi ili pa nambala 9 mu ligi pomwe ili ndi mapointsi okwana 25 pa masewero 21 omwe asewera mu ligiyi.

Coseweshon to chitheche united

CHILANGO CHOSASEWERA ZAKA ZIWIRI ATAMENYA OYIMBIRA

Timu yamu ligi yakumpoto ya SIMSO-Innobuild Northern region Football league, Chintheche United yapatsidwa chilango chosasewera masewero kwa zaka ziwiri mu mipikisano iliyonse kamba komugwira nthupi oyimbira.

Timuyi inachita izi mmasewero omwe ankasewera ndi Nkhatabay Select sabata yathayi ndipo anagonja 3-1 pomwe yasamutsidwa pa nambala yachiwiri mu gulu lawo.

Bungwe la NRFA ndilomwe lapereka chilangochi ndi cholinga chofuna kuthetsa mchitidwewu mu ligiyi.

Timuyi inali mu gulu B la ligiyi ndipo inali la nambala yachitatu ndi ma pointsi 11 atasewera masewero 9 mu gulu.