FAM YAPEPESA KWA MFUMU YAKU LILONGWE

Bungwe loyendetsa mpira mu dziko lino la Football Association of Malawi latulutsa kalata yopepesa kwa mfumu ya mzinda wa Lilongwe, a Peter Banda, kamba kokanizidwa kukapereka nawo mphoto kwa osewera pamathero a chikho cha NBS Bank Charity Shield.

Izi zadza patangodutsa maola ochepa unduna wa achinyamata, chikhalidwe ndi masewero komanso mtsogoleri wa bungwe la ma khonsolo mdziko muno, a Isaac Jomo Osman, anauza FAM kuti ipepese.

Bungweli lati silinachite kukonza kuti lichitire chipongwe mfumuyi koma ena omwe amayendetsa zinthu pa bwalo pomwepo anaona kuti zinthu zina zisokonekera malingana ndi momwe anakonzera.

Iwo ati akufufuza momwe zinthu zonse zinayendera kuti apeze chenicheni chimene chinachitika pa mwambowu.

Mtsogoleri wa Malawi Local Government Association, Isaac Jomo Osman, wati bungwe la Football Association of Malawi lipepese pasanathe maola 24 pa zomwe zinachitikira mfumu ya mzinda wa Lilongwe, a Peter Banda.

A Banda analetsedwa kukapereka nawo mphoto kwa osewera amatimu a Mighty Wanderers komanso FCB Nyasa Big Bullets pomwe masewero amu Charity Shield anatha.

A Osman ndi achiwiri kuyankhulapo pa nkhaniyi pomwe unduna wa zamasewero watulutsa kale kalata koma khonsolo ya mzinda wa Lilongwe sinayankhule kalikonse.

GWENGWE'S BRACE SECURES POOLE TOWN'S PLAYOFFS PLACE

Malawian England based forward Shaquille Gwengwe scored twice as Poole Town beat Havant & W 2-0 in the Southern League Premier South to secure promotion playoffs in England on Saturday.

Gwengwe took his tally to 40 League goals in his first season with the team proving his brilliance and heroics for the team as he leads with four goals in the golden boot race with a game to go.

Meanwhile, the victory has sealed a fourth place in the League for Poole Town as they have 74 points from 41 games.

The team will face either Gloucester City or Farnham Town depending on who finishes third in the League in search of a promotion in the National League South League.

UNDUNA WA ZAMASEWERO WAUZA FAM KUTI IPEPESE

Unduna wa achinyamata, chikhalidwe ndi masewero wadzudzula zomwe zinachitika pa masewero amu chikho cha Charity Shield pomwe mfumu ya mzinda wa Lilongwe, a khansala Peter Banda, analetsedwa kukapereka nawo mphoto pakutha pa masewerowa.

Mu kalata yomwe yasainidwa ndi mlembi wamkulu, Jeremiah Ndalama, yati ndi yokhumudwa ndi mchitidwewu ndipo yapempha Football Association of Malawi ipepese kamba ka mchitidwewu.

Undunawu watinso FAM ilembe lipoti pa chifukwa chenicheni chomwe mfumuyi inakanizidwira kufika pa malo operekera mphotozi komanso kuti apereke chilango kwa onse okhudziwa.

A Banda analetsedwa kukapereka mphoto kwa matimu a Mighty Wanderers ndi FCB Nyasa Big Bullets omwe anakumana pa masewerowa ati kamba koti anavala zovala zosiyana ndi ena omwe anakapereka mphotozi.

Timu ya Wanderers ndi yomwe inali akatswiri a chikhochi kutsatira kupambana 1-0 ndi chigoli cha Sama Thierry Tanjong.

"SITITENGERA MAYINA KOMA KASEWEREDWE" - FAZILI

Mphunzitsi watimu ya Scorchers, Lovemore Fazili, wadandaula kuti osewera ena omwe amatumikira matimu akunja kwa dziko lino komanso ena okhalitsa kutimuyi sakuseweranso mofikira mulingo wofunikira kuti timuyi ichite bwino.

Iye amayankhula izi mdziko la Kenya kutsatira kutha kwa mpikisano wa FIFA World Series omwe Malawi inathera pamapeto penipeni.

Iye wati pomwe akupita ku mpikisano wa Womens African Cup of Nations, osewera ena omwe asewera kwambiri timuyi sadzatengedwa kamba koti sakuseweranso bwino.

"Tikamatenga osewera opita ku WAFCON sititengera mayina koma momwe akusewerera chifukwa ena akufooka. Mwina sanali bwino chabe koma aliyense akuyenera kuonetsa pa bwalo," anatero Fazili.

Iye watinso osewera ena akutha zaka zitatu kapena zinayi ndi timuyi ndipo amayenera kuti akhazikika koma akukanikabe kuti atero.

Izi zadzanso pomwe anthu ochuluka adandaula ndi kaseweredwe ka osewera ena omwe amaoneka kuti odalilika mu timuyi.