Silver vs Mafco

NGINDE AKHONZA KULOWERA KU MANOMA

Mphunzitsi watimu ya Chitipa United, Macdonald Mtetemera, wakhala nawo mu gulu la aphunzitsi omwe akumveka kuti timu ya Mighty Mukuru Wanderers ikhonza kuwatenga kuti atsogolere timuyi mu 2024.

Izi zadza pomwe Manoma alibe mphunzitsi kutsatira kuchoka kwa Mark Harrison ndipo iwo alowa mu chipwilikiti chofuna mphunzitsi woti alowe mmalo kutimuyi.

Kupatula Mtetemera, Meke Mwase wakale wa Flames, Alex Ngwira komanso Eliya Kananji ndi omwe akumveka zotenga ntchito yovutitsitsa kwambiri mdziko muno ngati mmene ananenera akuluakulu atimuyi.

Mtetemera waonekera kwambiri mu chaka cha 2023 pomwe wachita bwino kwambiri ndi timu yomwe inali zoti yangolowa kumene ya Chitipa United.

GABA NDI ANZAKE ANYANYALA MASEWERO

Timu ya Moroka Swallows yomwe mumasewera katswiri waku Malawi, Gabadinho Mhango, ikuyembekezeka kutaya mapointsi okwana asanu ndi imodzi pomwe osewera atimuyi anyanyala kamba kosapatsidwa ndalama zawo.

Malipoti ochokera ku South Africa atsimikiza kuti timuyi sisewera Mamelodi Sundowns madzulo a lero komanso Golden Arrows yomwe amayenera kukumana nayo mmasiku akubwerawa.

Osewera onse atimuyi kuphatikizapo Mhango anakana kupanga zokonzekera dzulo komanso kuchita m'bindikiro pokonzekera masewerowa kamba koti akufuna ndalama zawo atapatsidwa ndi akuluakulu atimuyi.

Zateremu ndekuti Mamelodi Sundowns yatola mapointsi apatebulo kwa lero ndipotu Arrows ikuyembekezeka kuchitanso chimodzimodzi mu masiku akudzawa.

Bullets vs mafco f

Pk