PAIPI WATSANZIKA KU SILVER

Katswiri wotseka kumbuyo kutimu ya Silver Strikers, Maxwell Paipi, watsanzika kutimuyi pomwe tsopano akuyembekezeka kulowera mdziko la Zimbabwe kusiyana ndi timuyi.

Paipi akuchoka ku Silver mgwirizano wake utatha ndipo wakana kutikitira mgwirizano wina watsopano kuti akayese mwayi mu dziko la kunja.

Iye akuyembekezeka kupita ku timu ya FC Platinum yomwe anakambirana kale zonse mu miyezi yapitayo.

Iye akupita ku timu yomwe kumasewera Nickson Nyasulu ndi Precious Phiri ndipo yasiyana posachedwapa ndi Vincent Nyangulu.

Source: Twaha Silva Chimuka

NKHANI

Katswiri wa Civil Service United, Muhammad Biason, akuyembekezeka kuchoka kutimuyi pomwe mgwirizano wake watha ndi timuyi.

Malingana ndi Twaha Chimuka, timu ya Civil sinayambepo zokambirana zoti katswiriyu awonjezere mgwirizano wakewo ku Civil.

NKHANI

Matimu a Creck Sporting Club komanso MAFCO akudyerera maso pa Katswiri watimu ya Chitipa United, Mabuchi Msiska, yemwe mgwirizano wake watha ndi timuyi.

Osewerayu anachilimika mu chaka chake chachinayi ku Chitipa United pomwe anagoletsa zigoli zitatu ndi kuthandizira zina zisanu ndi ziwiri (7) mu ligi.

Timu ya Silver Strikers yalengeza kuti yasiyana ndi katswiri wawo Duncan Nyoni kutsatira kutha kwa mgwirizano wake ndi timuyi.

Timu ya Silver Strikers yatsimikiza kuti katswiri wawo wakutsogolo, Chinsisi Maonga, waonjezera mgwirizano wake ndi zaka zitatu kutimuyi.

Iye akuyembekezeka kukhalabe kutimuyi kufikira mpaka mu chaka cha 2028.