MWANZA STARS YALEMBERA SRFA KUNENEZA BULLETS RESERVE

Timu yomwe ikusewera nawo mu ligi ya SRFA FINCA Division League One yalembera kalata bungwe loyendetsa ligiyi la Southern Region Football Association kuneneza timu ya FCB Nyasa Big Bullets Reserve kuti inagwiritsa ntchito osewera osalembetsedwa pa masewero omwe anakumana sabata yatha.

Mu kalata yomwe yalembedwa ndi kusainidwa ndi wapampando wa timuyi, Oscar Tobias Simfukwe, yati Bullets Reserve inachita zimenezi pa masewero awo otsegulira ligi pa bwalo la Joyce Chitsulo ku Mwanza ndipo anagonja 3-2.

Iwo ati bungweli lichitepo kanthu pa nkhaniyi kamba koti matimu onse anauzidwa kuti kupanga mchitidwewu ndiye kuti ndi kugawa mapoints aulere kutimu inayo.

Angakhale kuti kalatayo yalembedwa, timuyi sinatchulemo dzina la osewerawo omwe ikuwaganizira kuti sanalembetsedwe.

Padakali pano, sitinamve ngati kalatayo yafika ku bungwe la SRFA kuti odandaulawa athandizidwe.

Katswiri yemwe amasewera mdziko la England, Shaquille Gwengwe, wachoka kutimu ya Poole Town komwe anangokhalako Kwa chaka chimodzi.

Katswiriyu anali wodalilika kutimuyi kamba koti anakwanitsa kugoletsa zigoli 45 mu masewero omwe wasewera mu zikho zonse ndi timuyi.

Aphunzitsi a timuyi ati kunalidi kovuta kuti akwanitse kusunga katswiriyu kamba ka momwe anasewerera ndipo ati amusowa kwambiri.

Pakadali pano, timu imene osewerayu akupita sikudziwika koma ikhala yamu ligi yapamwapako kusiyana ndi momwe amasewera.

"TIKADAKONDWA CHIKADAKHALA KUTI CHIGAMULO CHATSIKABE" - MICKEUS

Woyimira milandu bungwe la Football Association of Malawi pa mlandu wokhudza mphunzitsi wakale wa Flames, Patrick Mabedi, wati chigamulo chomwe bwalo la milandu loona za malamulo a ntchito lapereka kuti FAM ipatse Mabedi K53.6 million ndi chabwino.

Iye amayankhula pofotokozapo za momwe mlanduwu wayendera kufikira kumapeto komwe bwaloli lapereka chigamulochi.

Iye wati poyamba, a Mabedi anapempha kuti alipilidwe K916 million ngati chipepeso pa kuchotsedwa ntchito kwawo mosatsata malamulo koma iwo anapempha kuti chipepesochi chitsike.

"Titapempha bwalo linaunikira ndipo lanena kuti tipereke pafupifupi K54 million ndipo ndikuona ngati chigamulochi chayendabe bwino koma ndikadakonda akadatsitsako pang'ono," anatero Mickeus.

A Mabedi anakamang'ala ku bwalo la milandu kutsatira kuchotsedwa kwawo kwa ntchito atagwira miyezi khumi ndi umodzi pa mgwirizano wa zaka ziwiri womwe anasaina.

FAM inachotsa a Mabedi posakhutira ndi z

KARONGA YAKONZEKA KUKUMANA NDI WANDERERS

Timu ya Karonga United yati ilibe mantha aliwonse patsogolo pa masewero awo ndi Mighty Wanderers ponena kuti akonzekera bwino masewerowa.

Mphunzitsi watimuyi, Audlow Makonyola, wayankhula mawuwa patsogolo pa masewerowa lachitatu pa bwalo la Mpira ndipo wati angakhale kuti anyamata atopa koma akasewerabe mmasewerowa.

"Anyamata akuoneka bwinobwino, sanatsikiretu poti tinali ndi masewero pompano. Kupambana ndi Civil ndi chilimbikitso chachikulu patsogolo pa masewerowa nde tikayesetsabe kuti tikatole kenakake," anatero Makonyola.

Iye watinso timu yake ilibe wosewera aliyense yemwe ndi wovulala ndipo chilichonse chili mchimake patsogolo pa masewerowa.

Timuyi ikulowa mmasewerowa ili pa nambala 9 pomwe ili ndi mapoints asanu pa masewero anayi omwe asewera mu ligi.

GADDIE, SILWIMBA APEZEKA NDI KARONGA

Timu ya Mighty Wanderers yatsimikiza kuti akatswiri awo, Gaddie Chirwa ndi Timothy Silwimba, apezeka pa masewero omwe akukumana ndi Karonga United lachitatu pa bwalo la Mpira.

Mphunzitsi watimuyi, Bob Mpinganjira, ndi yemwe watsimikiza za nkhaniyi pofotokoza momwe timuyi yakonzekerera patsogolo pa masewerowa.

Chirwa anali pa chilango kamba koti analandira kadi yofiyira pomwe ankakumana ndi FCB Nyasa Big Bullets pomwe Silwimba wakhala ali wovulala kuchokera chaka chatha ndipo onsewa atha kupezeka mmasewerowa.

Mpinganjira wati masewerowa ndi ofunikira kwambiri kuti apambane kamba koti akusewerera pakhomo pawo.

"Sitikufuna kupereka phuma Kwa osewera ndi ife aphunzitsi ayi koma tikasewera masewero athu ndi mtima woti tikapambana zitikhalira bwino nde tikayesetsa kuti zikatiyendere," anatero Mpinganjira.

Iye wati ndi wokhutira ndi momwenso osewera omwe agulidwa kumene achitira ndipo akuyembekeza Zambiri Kwa Iwo.

Manoma alowa mmasewerowa ali pa nam

Katswiri wosewera pakati komanso kumbuyo kwa Mighty Wanderers, Dalitso Nahipa, wasankhidwa kuti ndi yemwe wasewera mwapamwamba mu sabata yachinayi yamasewero kutimuyi.

Iye wapambana mphotoyi atapeza mavoti ochuluka pamwamba pa Dan Kudonto komanso Dalitso Khungwa.

Iye walandira ndalama zokwana K300,000 kuchokera ku kampani ya Kingbossi yomwe ikupereka thandizo ku timuyi.

Nahipa anapatsidwa mwayi woyamba masewero kutimuyi koyamba pomwe anakumana ndi Silver Strikers ndipo anasewera mwapamwamba pa masewerowa.

Timu ya Goshen City Dedza Dynamos yatsutsa nkhani yoti mphunzitsi watimuyi Alex Ngwira komanso wophunzitsa omwetsa zigoli Jimmy Zakazaka ayimitsidwa pa ntchito yawo.

Iwo ati awiriwa analipo pa zokonzekera za timuyi kummawa wa lero.

FAM IKUYAMBITSA CHIKHO NDI LIGI YA MATIMU ANG'ONOANG'ONO

Bungwe la Football Association of Malawi likhazikitsa chikho cha matimu ang'onoang'ono a matimu omwe akusewera mu ligi yaikulu ya mdziko muno Chaka chino pofuna kukonzekeretsa matimuwa ku ligi yomwe idzayambe chaka cha mawa.

Izi zadziwika lachiwiri pomwe bungweli lalengeza kuti komiti yawo yaikulu inavomereza kuyamba kwa ligiyi Chaka cha mawa ndipo yayamba kale kukonzekera kuyamba kwa ligiyi.

Iwo ati akukhulupilira kuti ligiyi ipereka mpikisano wabwino kwa matimuwa komanso kukweza kasulidwe ka osewera, kukweza mpikisano komanso kukonza njira yopambana ya osewera omwe akuphukira kumene.

Malamulo a ligiyi ndi oti matimu ake azikhala okha omwe akusewera mu ligi yaikulu ya Chaka chimenecho ndipo kutuluka kwa timu yamu ligi yaikulu kuzitulutsanso yaing'ono yakeyo mu ligimu.

Chikho chomwe chiseweredwe chaka chino pa matimu aang'onowa sichikhala chotolera mapoints ngati ligi koma mwa kapha kachoka kuli kukonzekera kubwera kwa ligi