"TIMU TSOPANO IKUBWERAMO" - KAUNDA

Mphunzitsi watimu ya LUANAR Mitundu Oscar Kaunda wati tsopano osewera ake akubweramo pomwe akukwanitsa kumva zomwe iye akuwauza ndipo zatsala zinthu zochepa kuti timuyi ikhazikike.

Iye amayankhula atatha kugonjetsa Blue Eagles 3-2 pa bwalo la Dedza loweruka pomwe Vincent Nyangulu anamwetsa chigoli chimodzi ndipo Raheem Mtondera anagoletsa ziwiri koma Farhad Mtcheka ndi Micium Mhone anabwenzako mu nthawi yoonjezera.

Kaunda anayamikira osewerawa kamba kosewera bwino komanso koyesetsa kuti azitolera mapoints mu masewero apakhomo mu ligiyi.

"Sabata yatha tinagonja ku mpoto koma tinawauza kuti sitikufunika kugonjanso kawiri nde zatheka lero, timu ikubweramo tsopano pomwe akumamva zomwe tikuwauza," anatero Kaunda.

Iye koma wati chatsala choti akwanitse kupeza chipambano koyenda ndipo zikatero ndekuti chilichonse chikhala Kuti chilibwino kwambiri.

Timuyi tsopano ili ndi mapoints okwana 10 mu ligi pomwe ili pa nambala 9 itapambana katatu, kufanana mpha

"LERO LUANAR INALI BWINO KWAMBIRI" - MSAKAKUONA

Mphunzitsi watimu ya Blue Eagles De Klerk Msakakuona wati zinali zovuta kwambiri kuti timu yake ichite bwino kamba koti timu ya LUANAR Mitundu inali bwino paliponse kuyamba mpaka kumaliza pa masewero awo.

Iye amayankhula atatha masewero omwe agonja 3-2 kuti akanike kuonjezera mapoints awo pamwamba pa ligi ya FDH Premiership pa bwalo la Dedza loweruka masana.

Iye wati timu yake inayesera kusintha akugonja 1-0 koma zinathera kugoletsetsa zigoli ziwiri ndipo zinali mochedwa kuti abwenze mu masewerowa.

"Anali masewero ovuta kwambiri chifukwa tinali achiwiri pa mpira ndipo LUANAR inali bwino paliponse kuyamba mpaka kumaliza ndipo amayenera kupambana masewerowa," anatero Msakakuona.

Iye wati timu yake tsopano yachinyitsa zigoli zisanu pa masewero awiri zomwe zikufunika kukonzedwa kamba koti samachinyitsa mu masewero awo oyamba.

Timuyi ikadali pamwamba pa ligi ndi mapoints 16 pa masewero asanu ndi atatu.

KAONGA SCORES TWICE TO RESCUE CAPS UNITED

Flames forward Chawanangwa Kaonga scored two goals as CAPS United played a 2-2 draw against Triangle United in the Castle Lager Premier League in Zimbabwe on Saturday.

The forward ended his goal drought after struggling to find the bag of the net for over 10 games.

Kaonga opened the scores from a penalty in the 24th minute before the visitors scoring twice to lead at half time but Kaonga levelled the scores in the 78th minute to snatch a point.

Meanwhile, his counterpart Lloyd Njaliwa was a starter in the match while Precious Phiri and Uchizi Vunga are yet to make themselves in the team's squad after joining the team this week.

"ZIKUONEKA KUTI TIKAPEZA ZOTSATIRA ZABWINO" - MPONDA

Mphunzitsi watimu ya Masters Football Club Peter Mponda wati osewera ake akuoneka bwino pa bwalo la zamasewero malingana ndi kakonzekeredwe kawo ndipo akukhulupilira kuti akachita bwino ku Blantyre.

Iye amayankhula izi patsogolo pa masewero omwe timuyi ikumane ndi FCB Nyasa Big Bullets ku bwalo la Mpira lolemba ndipo wati timu yake yakonzekera bwino mmasewerowa.

"Akhala masewero ovuta kwambiri koma ifeyo takonzekera bwino ndipo anyamata akuoneka kuti azitolera kuti pakutha pa masewerowa tikapeze zotsatira zabwino," anatero Mponda.

Iye watinso timuyi inagonja ndi Ekhaya pa bwalo lomwe akupitalo kamba koti osewera awo anazolowera kapinga womera osati wachizungu komabe sichidzakhala chonamizira pa masewerowa.

Iye watinso osewera onse alipo pomwe Philimon Ndhlovu wachira koma Rafick Namwera ndi yemwe sapezeka kwa masabata angapo.

Timuyi ilowa mu masewerowa ili pa nambala yachisanu ndi chimodzi ndi mapointsi okwana 12 pa masewero as

MITHI SAPEZEKA KWA MASABATA ANAYI

Timu ya Mighty Wanderers ikuyembekezeka kukhala opanda wosewera wawo Lameck Mithi yemwe kuvulala kwake akhale masewero anayi osasewera.

Mphunzitsi watimuyi Bob Mpinganjira watsimikiza za nkhaniyi pomwe amafotokoza momwe timuyi ilili patsogolo pa masewero awo ndi Goshen City Dedza Dynamos lamulungu.

Iye wati vuto la Mithi lafika ku chipatala tsopano komwe akhalebe masabata anayi osasewera koma Alex Kambirinya wabwerera pomwe wachira.

"Apanso Emmanuel Nyirenda wavulala ndipo madotolo akumuyeza kuti awone kuti ali motani ndekuti tikhala wopanda Mithi komanso Nyirenda," anatero Mpinganjira.

Mithi wakhala wosewera wofunikira kwambiri kumbali ya Mighty Wanderers kamba koti wagoletsa zigoli zisanu mj ligi yaikulu ndi chimodzi mu chikho kumbali ya Manoma.

Moni admin wathu. Talandila dandaulo kuchokela kwa olosela bwino a week ya mon. 15 to sun. 21 June kuti sanalandibe m'paka lero ndalama zawo. Chonde aganizileni. ZIKOMO.

NKHANI

Mtsogoleri wa bungwe la Super League of Malawi Brigadier Gilbert Mittawa walengeza kuti sadzayima nawo pa zisankho za bungweli komanso zaku Football Association of Malawi chaka cha mawa.

Mittawa wati wachita izi ngati mbali ya utsogoleri kuti ukachita zabwino umasiyira ena kuti achiteko ndipo adzatula pansi mu April chaka cha mawa.

Iye wati ndi zodandaulitsa kuti ku mpira wa miyendo kwalowa ndale zochuluka kuleka kukweza masewero zomwe waona kuti sizili bwino.

Komabe Mittawa wati akukhulupilira kuti wasintha zinthu zambiri pomwe ligi yaikulu ikuyenda mwa ukadaulo ndipo ndi khumbo lake kuti wodzabwerawo asadzaphwasule ntchitoyi.