Timu ya Civil Service United yalengeza kuti katswiri wawo wotseka kumbuyo John Dambuleni waonjezera mgwirizano wake ndi chaka chimodzi.

Iye akhalabe kutimuyi mpaka mu chaka cha 2027.

HAMMERS ILIPIRA K100,000

Bungwe la Football Association of Malawi lapereka chilango ku timu ya Mzuzu City Hammers kuti alipire K100,000 kamba kokanika kupereka pa mkumano omwe umachitika masewero asanachitike.

Bungweli lapeza timuyi yolakwa kamba koti dongosolo lililonse la masewero limakakambidwa pa mkumanowu zomwe Hammers inakanika.

Iwo ati ndalamayi iperekedwe pasanathe masiku okwana 14.

Timuyi inagonja pa masewerowa 2-0 kuti ituluke mu chikho cha Castel Challenge ndi timu ya FCB Nyasa Big Bullets.

BULLETS YAPEZEKA NDI MILANDU ITATU

Bungwe la Football Association of Malawi lapeza milandu itatu kuti timu ya FCB Nyasa Big Bullets iyankhepo pa zomwe zinachitika pa masewero awo ndi Mzuzu City Hammers.

Mlandu woyamba ndi woti Bullets inakanika kuletsa ochemerera awo kuchitira chipongwe, kumenya ndi kufika malo oletsedwa komanso kuletsa achitetezo kugwira munthu yemwe analowa mu bwalo la zamasewero.

Wachiwiri ndi kulimbana komanso kugwiragwira oyendetsa mpira ndipo wina ndi wobweretsa masewero a mpira ku zipolowe.

FAM yapezanso masapota asanu, Chingeni Gumbala Kadam’manja, Shaibu Woyera, Trouble Ndikida Kapito, Alick Tsegula, Ganizani Baba ndi Dyton Bello omwe ankalimbana ndi Hammers polowa ndi nthawi yopumira powaopseza.

Timuyi yapatsidwa maola 48 kuti iyankhepo pa milanduyi. Bullets inapambana masewero 2-0 kuti ifike mu ndime yotsiriza.

Photo - MH Photography

Ngwira akhalabe ku Dedza Dynamos

Mphunzitsi watimu ya Goshen City Dedza Dynamos, Alex Ngwira, akuyembekezeka kukhalabe kutimuyi pomwe ikukonza kumupatsa mgwirizano wa zaka ziwiri kuti aphunzitsebe timuyi.

Malingana ndi malipoti omwe tsamba lino lapeza, akuluakulu a timuyi akhutira ndi momwe Ngwira wamalizira makamaka mu chikho cha Castel ndipo akukhulupilira kuti atha kuchita bwino atapatsidwa zipangizo zonse.

Ntchito ya mphunzitsiyu inali pa mpeni pomwe Peter Mponda anasendera chifupi kukhala kutimuyi koma poti analowera ku Masters Security, timuyi iyendabe ndi Ngwira.

Iye anabwera kutimuyi kulowa mmalo mwa Andrew Bunya chaka chatha ndipo ngakhale anavutika mu ligi, wakhala woyamba kutengera timuyi mu ndime yotsiriza ya chikho ndipo akumana ndi FCB Nyasa Big Bullets.

Mphunzitsiyu ndi mmodzi mwa aphunzitsi omwe amapatsidwa ulemu kwambiri mdziko muno pomwe waphunzitsakonso Mighty Wanderers.

Wanderers Fans Name Singini as Nomads' Player of the Season

Mighty Wanderers fan base group has awarded two players for their brilliant performances in the 2025 season.

The group made the initiative after the TNM Super League ended and contributed money to award their players.

Blessings Singini has received K200,000 as the team's Best Player of the Season, while Dalitso Khungwa has been named Most Improved Player and received K150,000.

The awards were presented to the players on Sunday morning through the group's admins.