TEMWA CHAWINGA WAFIKITSA ZIGOLI 22

Katswiri watimu ya Scorchers, Temwa Chawinga, wakwanitsa zigoli 22 mu ligi ya mdziko la China ya amayi pomwe lachisanu anagoletsa zigoli zitatu kuti Wuhan Jiangda igonjetse Beijing Beikong 8-0 mu ligiyi.

Chawinga akutsogola ndi zigoli mu ligiyi pomwe chipambanochi chathandiziranso Wuhan kutsogola ndi mapointsi asanu ndi awiri (7) pa masewero 16 omwe asewera ndipo ali ndi mapointsi 46.

Ligi ya mdzikomo yaima kaye ndipo idzayambanso pa 4 November kuti matimu adzamalizitse masewero omwe atsalawo. Temwa wapambana kale mphoto zogoletsa zigoli zambiri mdzikoli ziwiri mu chaka chokha chino.

#Tawonga2023