"PANO TSOPANO NDE TANYAMUKA" - KAMANGA

Mphunzitsi watimu ya Kamuzu Barracks, Charles Kamanga, wati tsopano timuyi yanyamuka mu ligi ya chaka cha 2024 pomwe tsopano apeza chipambano chawo choyamba.

Iye amayankhula atatha masewero omwe apambana 3-1 ndi timu ya FOMO ndipo wati chipsmbanochi chafika mu nthawi yake pomwe chiwapatse mphamvu kuti ayende bwino mu ligiyi.

"Kupambana kwalero kutipatsa mphamvu zochuluka chifukwa ndekuti chitsogolo chizioneka bwino kwambiri komanso tsopano tanyamuka chifukwa zikweza molalo pakati pa anyamata athu." Anatero Kamanga.

Timu ya Kamuzu Barracks tsopano yakwanitsa kutenga ma points asanu pomwe ili pa nambala yachisanu ndi chimodzi mu ligiyi.