"KUPANDA KUGONA PA 1-0 POMPAJA TINAYIMALIZA" - NYAMBOSE

Mphunzitsi watimu ya Chitipa United, Christopher Nyambose, wati timu yake inakwanitsa kuchita mmene inakonzeka kuti igwetse timu ya Silver Strikers koma kulakwitsa pang'ono kwachititsa kuchinyitsa chigoli.

Iye amayankhula atatha masewero omwe afanana mphamvu 1-1 ndi Silver pa bwalo la Karonga lachinayi ndipotu wayamikira osewera ake kamba kosewera bwino mmasewero awo.

"Anali masewero ovuta kwambiri koma anyamata asewera bwino kwambiri, mmene tinakonzera zinatheka ndithu ndipo tikanayimaliza pa 1-0 pomwe paja koma tinagona pang'ono, anaponya mpira uja wina kusumba komabe anyamata asewera bwino." Anatero Nyambose.

Iye wati timuyi itati yatuluka mu ligi ndekuti apha Boma la Chitipa lonse ndipo agwirizana kuti azitolera mapointsi kamba koti mchigawo choyamba anataya kwambiri.

Timuyi ikadali pa nambala 13 mu ligi pomwe ili ndi mapointsi okwana 17 pa masewero 18 omwe iyo yasewera mu ligi ya TNM.

Mabakers