"TATSALA NDI LIGI KOMANSO CASTEL" - MWASE

Mphunzitsi watimu ya Mighty Mukuru Wanderers, Meke Mwase, wati tsopano timu yake ikuyenera kulimbikira mu zikho ziwiri zomwe atsalamo mu ligi ya TNM komanso chikho cha Castel kuti mwina chaka chino achimalizeko bwino.

Iye amayankhula atatha masewero omwe agonja 1-0 ndi timu ya Silver Strikers ndipo atuluka mu ligiyi ndipo wati timu yake ikuvutika ndi vuto logoletsa zigoli zachangu kwambiri.

"Anali masewero ovuta kwambiri, vuto ndi loti sitinayambe bwino mchigawo choyamba, tinachinyitsa mofulumira koma tinayesetsa kubweramo tasewera bwino koma mwina chifukwa cha phuma sitinathe kupeza zigoli." Anatero Mwase.

Iye watinso timu yake iyesetsa kukonza mavuto awo kuti mmasewero omwe akudzawa ayende bwino pomwe tsopano akanika kupambana Airtel Top 8 komanso FDH Bank.

Timu ya Silver Strikers inagoletsa chigoli chawo pa mphindi zisanu ndi zitatu (8) kuti atulutse Wanderers yomwe inali ikusewera bwino kwambiri