"MPIRA UTHA KUMUPHA MUNTHU NDITHU" - NYAMBOSE

Mphunzitsi watimu ya Chitipa United, Christopher Nyambose, wati zomwe waziona tsiku la lero sanazionepo ndipo zikhonza kupha munthu pomwe goloboyi wawo walakwitsa kawiri kuti Mighty Mukuru Wanderers ipambana 1-2 ndi timu yake.

Iye amayankhula atatha masewero omwe anali pa bwalo la Karonga ndipo wati masewero awa ndi opweteka poti angowapatsa a Wanderers zigoli.

"Ndi zopweteka kwambiri ndipo mpira utha kuphadi munthu chifukwa zomwe zachitika panopa sinnazione chifukwa lero nde tataya masewero owinawina komabe goloboyi poti ndikoyamba kugwirira Supa ligi timanjenje koma zapweteka kwambiri." Anatero Nyambose.

Iye wati masewerowa akanathandiza timuyi kuti ifike pa nambala 13 mu ligi koma zateremu zavuta komabe wati chaka cha mawa adzakhala akuphunzitsabe timuyi mu ligi yomweyi.

Iwo akadali pa nambala 15 mu ligi pomwe ali ndi mapointsi okwana 19 pa masewero 24 omwe yasewera mu ligi.