Aphunzitsi a FOMO anasowa khalidwe

Mlembi wa mkulu wa timu ya FOMO FC Jimmy Maloya watiuza kuti kusapezeka kwa mphunzitsi wamkulu, Gilbert Chirwa komanso umuthandizira wake, Luckson Mauluka Nyoni pa masewero omwe agonja lamulungu 1-0 ndi Premier Bet Dedza Dynamos ndi kamba kosowa khalidwe komanso kusachita bwino kwa timuyi.

Maloya wati padakali pano zokambirana zichitika pofuna kuona chitsogolo ndipo posachedwa awiriwa akhale akubwerera pa bwalo la zamasewero ngati angamvane chimodzi.

Zamveka kuti aphunzitsiwa anachita khalidwe losakhala bwino Sabata latha ku Mzuzu pomwe FOMO inakakumana ndi Mzuzu City Hammers koma Jimmy Maloya wakana za nkhaniyi kuti sakuziwapo kanthu.

Pa masewero awo ndi Dedza, timuyi inatsogozedwa ndi mphunzitsi wama goloboyi, Charles Chikoti komanso mmodzi mwa osewera atimuyi, Harry Nyirenda zomwe zinapereka mafunso ochuluka kwa otsatira timuyi.

FOMO ili pa nambala 14 mu ligi ya TNM pomwe ili ndi mapointsi okwana 15 pa masewero 18.

✍️ Yohane M'bwera