"NDINE WOKONDWA POTI TAPAMBANA" - CHIRAMBO

Mphunzitsi watimu ya Mzuzu City Hammers, Elias Chirambo, wati ndi wokondwa kamba kopambana masewerowa awo koyenda ponena kuti anakumana ndi timu yabwino kwambiri.

Iye amayankhula atagonjetsa Creck Sporting Club 1-2 pa bwalo la Civo kuti atenge mapointsi atatu ndipo wati ndi wokondwa kamba Ka chipambanochi.

"Anali masewero ovuta kwambiri poti Creck ndi timu yabwino kwambiri nde masewero anavuta koma anyamata analimbikira ndipo ndine wokondwa poti timu yanga ndi imene yapambana ndipo kupeza chipambano koyenda sizophweka, tichisunga ndipo tikubwera nacho kwathu." Anatero Chirambo.

Timuyi tsopano ili pa nambala yachiwiri mu ligi ya TNM pomwe yakwanitsa kupambana katatu ndi kugonja kamodzi kuti akhale ndi mapointsi asanu ndi anayi (9) pa masewero anayi.