CHITIPA IKUYANG'ANIZANA NDI KHOMO LOTULUKA MU LIGI

Timu ya Chitipa United ikuchepetsabe mwayi wawo wotsala mu ligi ya TNM pomwe yagonja pakwawo 1-3 ndi timu ya Mzuzu City Hammers very pa masewero omwe anaseweredwa pa bwalo la Karonga lamulungu masana.

Promise Ogboaza anatsogoza Hammers pa mphindi 28 asanabwere Chimwemwe Chunga pa mphindi 44 koma Ramadan Ntafu anabwenza chimodzi pa mphindi 51 ndipo Gregory Mwase anagoletsa chigoli chachitatu pa mphindi 86 kuti Hammers iweruke bwino.

Mphunzitsi watimu ya Chitipa United, Christopher Nyambose, wati timu yake sinasewere bwino mmasewero awo zomwe zinapangitsa kuti akanike kupambana pa masewero awo.

"Anali masewero ovuta kwambiri, tinawapatsa ulemu anzathuwa poti mwina ndi anzathu akumpoto kuno komanso odziwana nawo nde timayesa kuti sabwera mwamphamvu koma masewero alero nde sitinasewere bwino." Anatero Nyambose.

Timuyi ili pa nambala yachikhumi ndi chisanu (15) pomwe ili ndi mapointsi 19 pa masewero 25 omwe yasewera mu ligi ya TNM.