"POSAMENYA BWINOPO KOMA SITINAGONJE" - MPONDA

Mphunzitsi watimu ya Silver Strikers, Peter Mponda, wadzudzula kayankhulidwe ka olemba nkhani poti timu ina ikachita bwino amati yaonjezera mapointsi pomwe iwo akafananitsa mphamvu amati yataya mapointsi chonsecho amakhala awonjezera imodzi.

Iye amayankhula atatha masewero omwe alepherana 0-0 ndi timu ya Civil Service United ndipo wati angakhale kuti akanagonja analibe kutali ndi Mighty Mukuru Wanderers ndipo mapointsi asanu ndi awiri ndi ambirinso kwambiri.

"Kutengera ndi mmene timakonzekerera ndi mmene tasewerera sitinasewere bwino sitinapangepo kalikonse komabe taonjezera point pomwe omwe tikupikisana nawo anagonja nde 7 points ndi yochuluka kwambiri tikagonjanso lero bwenzi tilibe kutali nawo." Anatero Mponda.

Iye wati zayamba kudabwitsa ndi mmene timuyi ikuchitira tsopano pomwe mmasewero ochuluka kwambiri afananitsa mphamvu koma ubwino wake sakugonja mmasewerowa.

Timuyi ikadali pa nambala yoyamba ndi mapointsi 51 pa masewero 23 mu