"CHILIPO CHIMENE CHIKUCHITIKA" - MTETEMERA

Mphunzitsi watimu ya Creck Sporting Club, Macdonald Mtetemera, wati akukayikira kuti Pali chinachake chimene chikuchitika kutimu yake ndipo akhala pansi kuti akambirane poti zomwe zikuchitika pa zokonzekera zasiyana ndi zomwe zili pa bwalo la zamasewero.

Iye amayankhula atatha masewero omwe agonja ndi timu ya Karonga United yomwe inapeza chigoli ili ndi anyamata operewera poti Nanson Mbewe analandira kalata yofiyira ndipo wati maseweredwe awo adabwitsa kwambiri.

"Ndine wodandaula kwambiri kamba ka masewero amenewa chifukwa sitimayenera kugonja masewero awawa ndipo zikudabwitsa chifukwa si mpira umene osewera athu amenyawu nde tibwerera tikakambirane poti ndi za mnyumba." Anatero Mtetemera.

Iye wati timu yake iyesetsa kuchita zokambirana mwachangu kuti abwerere ngati momwe amachitira mu chigawo choyamba kuti apeze mapointsi omwe awathandizire kufika kumtunda.

Timuyi yatsika kufika pa nambala yachikhumi pomwe ali ndi mapointsi okwana 32 pa