WANDERERS INASUNGA KHALIDWE MU SUPA LIGI

Timu ya Mighty Wanderers ndi imene inasunga khalidwe mu TNM Supa ligi pomwe yapeza makadi ochepa pa masewero makumi atatu mu chaka cha 2025.

Manoma anapatsidwa makadi 25 achikasu komanso imodzi yofiyira kukhala timu yomwe yapeza makadi ochepetsetsa mu ligi.

Ndipo timu ya FCB Nyasa Big Bullets ndi yomwe yatsiliza opandako osewera wawo kupeza kadi yofiyira pomwe inangopezako makadi achikasu 27 kukhala achiwiri pa matimu omwe anayesetsa mwambo.

Matimu a MAFCO analandira makadi ochuluka pomwe inapeza achikasu 65 komanso ofiyira atatu pomwe Kamuzu Barracks inatola achikasu 53 ndi ofiyira anayi.

Mzuzu City Hammers inapatsidwa achikasu 50 komanso ofiyira atatu ndipo Mighty Tigers inapeza achikasu 45 komanso ofiyira anayi.

Pamasewero onse omwe anaseweredwa mu ligiyi, makadi 648 achikasu ndi omwe anaperekedwa kwa matimu onse ndipo 34 anaperekedwanso.