"NZOMVETSA CHISONI KUTI TIMAWINA 1-0 BASI" - MPULULA

Mphunzitsi watimu ya Mighty Tigers, Leo Mpulula, wati ndi wokhumudwa kwambiri poti chaka chino timu yake yakanika kupeza chipambano mtima uli mmalo poti amangowina ndi chigoli chimodzi ngakhale akumapeza mipata yochuluka kwambiri.

Iye amayankhula atatha masewero omwe agonjetsa timu ya Chitipa United 1-0 pa bwalo la Mpira lamulungu masana ndipo wayamikira osewera ake kuti apambana komabe wachoka wosakhutira ndi kutaya mipata yochuluka.

"Zoyankhula ndi zovuta ndi zomvetsa chisoni kuti tikawina ndi 1-0 mu chaka chonsechi tavutika kwambiri kuti tipambane mtima uli mmalo mwina zigoli ziwiri kapena zitatu kutengera ndi mipata yomwe tikupeza nde ndi zovuta kwambiri." Anatero Mpulula.

Iye wati timu yake inakonza kuti chaka chino ichite bwino koma kuti osewera amachita zosiyana ndi zomwe aphunzira pa bwalo koma ayesetsa kukonza mavutowa patsogolo pa masewero awo otsiriza.

Timuyi ili pa nambala 12 mu ligi pomwe ili ndi mapointsi okwana 32