"OSEWERA ENA AKUMENYA NGATI AKUKAKAMIZIDWA" - KAMANGA

Mphunzitsi watimu ya Kamuzu Barracks, Charles Kamanga, wandaula ndi mmene osewera ake achitira pa masewero awo ndi Moyale Barracks pomwe akuoneka ngati kuti akusewera ngati sakufuna chinachake kutimuyi.

Iye amayankhula atatha masewero omwe agonja 2-0 pa bwalo la Mzuzu pomwe timu yake inaphonya mipata yochuluka kwambiri mchigawo choyamba ndipo mchigawo chachiwiri Moyale inagoletsa ziwiri.

Iye wati: "Anali masewero abwino oti tikanatha kugoletsa zigoli mwina zinayi koma taphonya mipata yochuluka kwambiri nde mchigawo chachiwiri anzathu anakonza ndi kutigoletsa zigoli koma tinene pano kuti osewera ena akusewera ngati sakufuna." Anatero Kamanga.

Iye wati tsopano mpata womaliza mu matimu asanu ndi atatu oyambilira mu ligi yavuta nde mmasewero otsiliza adzapereka Kwa osewera achichepere omwe akufuna kusewera mpira.

Timuyi ili pa nambala yachikhumi pomwe yatolera mapointsi okwana 37 pa masewero 29 omwe yasewera.