KAMWENDO ACHOKA KU DEDZA MWA ULERE

Osewera kutsogolo watimu ya Premier Bet Dedza Dynamos, Promise Kamwendo, wakana mgwirizano watsopano kutimuyi zomwe zikuonetsa kuti achoka mwa ulere kutimu yakeyi.

Wamkulu kutimuyi, Frella Kulemero, watsimikiza za nkhaniyi pomwe wati anakambirana ndi Kamwendo kuti awonjezere mgwirizano wake womwe ukutha pa 31 December 2024 ndipo anavomera koma tsopano wangosintha poyerayera ndipo wati waphunzira phunziro lalikulu pa nkhani.

"Tachilapa, ofunika osewera mwina azionjezera migwirizano yawo kutatsala zaka ziwiri kuti mwina asamatithawe mwaulere mmalo moti tiwapindulire." Anatero Kulemero.

Timuyi inapezeka ikulipira ndalama za nkhaninkhani komanso osapindulako kalikonse pomwe osewerayu ankafunidwa ndi matimu a FCB Nyasa Big Bullets komanso Mighty Mukuru Wanderers zomwe zinakanika patapezeka zolakwika zingapo ndekuti timuyi ifa kawiri.

Chibwererereni ku Dedza kuchokera ku Wanderers, Kamwendo wasewera masewero asanu ndi amodzi ndipo mmasewero omwe apitaw