"NDI KUGONJA KOPWETEKA KWAMBIRI" - KAFOTEKA

Mphunzitsi watimu ya FOMO FC, Elvis Kafoteka, wati kugonja Kwa timu yake ndi Moyale Barracks ndi kopweteka kwambiri kamba koti kulakwitsa kwa okhaokha ndi kumene kwawapweteka kuti agonje chotere.

Iye amayankhula atatha masewero omwe agonja 3-1 pa bwalo la Mzuzu ndipo wati anayesetsa kuti abweremo koma zinavuta mpake agonja.

"Tivomereze tagonja koma kugonja kopweteka kwambiri chifukwa timangolakwitsana tokhatokha mpaka kuchinyitsa zigoli zonsezo nde basi tibwerera tikakonze mavuto athu kuti tiyang'ane chitsogolo." Anatero Kafoteka.

Iye anati timu yake sakuyipatsa phuma lililonse pa masewero omwe yasewera poti akufuna kuti alimbikire chabe kuti apeze mapointsi poti anyamata ake ndi omwewa omwe akhala akuchita bwino.

Timuyi ili pa nambala yachikhumi ndi chitatu (13) pomwe ili ndi mapointsi okwana 22 pa masewero 23 omwe yasewera mu