CHIPWILIKITI KU DEDZA

Khonsolo ya Dedza ikhonza kusiya kupeza ndalama zochuluka zomwe akhala akupeza pomwe timu ya Premier Bet Dedza Dynamos ikamasewera pomwe wothandiza a timuyi a Premier Bet auza kuti asinthe bwalo losewerera.

Izi zadza kamba koti khonsoloyi yapanga ubale ndi kampani ya Betika yomwe ikupanga malonda ofanana ndi Premier Bet ndipo yapenta mu bwaloli zochemerera kampani yawo.

Pasanathe tsiku chipentereni, anthu ena anakafufuza zopentazi zomwe mwachidziwikire sizingasangalatse a Betika omwe samayembekezera zimenezi.

Bwalo la Dedza lakhala lachinayi kwa matimu a FCB Nyasa Big Bullets, Mighty Mukuru Wanderers ndi Silver Strikers lomwe likumabweretsa ndalama zochuluka mu ligiyi chifukwa cha timu ya Dedza Dynamos.

Ngati zingavute, timuyi itha kulowera mchigawo chakummwera komwe azikasewerera pa bwalo la Balaka ngati pakhomo pawo pofuna kusunga thandizo la ndalama ku timu yawo.