"CHIPAMBANO CHILI MMAGANIZO ATHU" - BUNYA

Mphunzitsi watimu ya Premier Bet Dedza Dynamos, Andrew Bunya, wati chipambano chikhale chofunikira kwambiri kutimu yawo poti ayamba udyo mu chigawo chachiwiri cha ligi ndipo akufunitsitsa kusunthira kutsogolo.

Iye amayankhula patsogolo pa masewero awo ndi timu ya Mighty Mukuru Wanderers pa bwalo la Dedza lamulungu ndipo wati timu yake ikuyenera kuyiwala zoti sanagonjetsepo Wanderers kuti adzachite bwino.

"Kutengera ndi mmene tayambira sizilibwino tinagonja ku Balaka nde tikuyenera kuti tichilimike cholinga tipambane nde anyamata akuoneka alibwino ndipo chipambano ndi chotheka chifukwa tisuntha kwambiri tikapambana." Anatero Bunya.

Iye wati timuyi ikayesetsa kumenyera nkhondo kuti ikapambane ndipo kufika kwa osewera ena kutimuyi monga Dan Mponya ndi Justice Honde kuwathandiza kulimbitsa malo ena mu timuyi.

Dedza ili pa nambala 10 mu ligi pomwe ili ndi mapointsi okwana 19 pa masewero 16 omwe yasewera mu ligi.

📷: Dedza media