"TIMAYENERA KUPAMBANA NDIFE TIMU YAIKULU PA BANGWE" - CHIRAMBO

Mphunzitsi watimu ya Mzuzu City Hammers, Elias Chirambo, wati sakuyenera kukhala wosangalala ndi kupeza point imodzi kamba koti akanika kugonjetsa timu yomwe ndi yaing'ono kwa iwo.

Iye amayankhula atatha masewero omwe afanana mphamvu 0-0 pa bwalo la Mpira ndipo wati mwayi waukulu kuti apeze chipambano koma mwayi awutaya okha.

"Anali masewero abwino kwambiri tasewera bwino koma taphonya mipata yochuluka ndipo timayenera kuwina chifukwa timasewera ndi timu yaing'ono mwina tinavutika chifukwa anyamata athu omwetsa zigoli anavulala komabe sine wosangalala chifukwa timayenera kuwina." Anatero Chirambo.

Timuyi taphonya mwayi wofika pa nambala yachiwiri mu ligi ndipo ili pa nambala yachinayi mu ligi ndi mapointsi 17 pa masewero khumi (10) omwe yasewera mu ligi.