"MWINA KUKANAKHALA VAR ZIKANAGWIRA" - MAKAWA

Mphunzitsi watimu ya Civo United, Abbas Makawa, wati masewero awo ndi Karonga United amayenera kupambana koma ziganizo za oyimbira zathandizira kuti asachite bwino.

Iye amayankhula atatha masewero omwe afanana mphamvu 1-1 ndi Karonga United ndipo wati anyamata ake anasewera bwino kungoti oyimbira wawapweteka kwambiri.

"Mwina poti ndi anthu koma Kwa anzathu amakhala ndi VAR komabe nzodabwitsa kuti wapereka yellow card kuti wathu wagwetsedwa mu box kenako akukapereka mpira woponya pansi nde sizinayende." Anatero Makawa.

Timu ya Civo ili pa nambala 11 mu ligi pomwe yatolera mapointsi asanu ndi atatu (8) pa masewero asanu ndi awiri (7) omwe yasewera.