"ZABWINO ZIKUBWERA TSOPANO" - MZUNGA

Wachiwiri kwa mphunzitsi watimu ya MAFCO, Jimmy Mzunga, wati timu yake inaphonya mipata yabwino yomwe anayipeza kuti akanike kugonjetsa FCB Nyasa Big Bullets koma wati tsopano zabwino zayamba kubwera.

Iye amayankhula atatha masewero omwe matimuwa afanana mphamvu 1-1 pa bwalo la Chitowe pomwe Patrick Mwaungulu anagoletsa nthawi yothaitha kuletsa chigoli cha Innocent Makawano cha mchigawo choyamba ndipo wati timu yake iyamba kupambana posachedwa.

"Anali masewero ovuta koma tinayesetsa kuti tichite bwino kungoti mipata yomwe tinayipeza sitinagwiritse ntchito. Zabwino zikuoneka kuti zikubwera ndipo posachedwa tikhale tikupeza chipambano." Anatero Mzunga.

Timuyi sinasunthe pomwe ikadali ndi mapointsi atatu pa masewero asanu ndi imodzi omwe asewera ndipo agonja katatu ndi kupambana mphamvu katatunso ndipo ali pa nambala 15.