"TANGOWAPATSA ZIGOLI LERO" - IKWANGA

Mphunzitsi watimu ya Mzuzu City Hammers, Kondwa Ikwanga, wati ndi wokhutira ndi mmene timu yake yasewerera ndi Silver Strikers koma zangovuta kuti amasewera ndi timu yodziwa mpira yomwe anakanika kuyigoletsa kenako nkupereka zigoli.

Iye amayankhula atatha masewero omwe agonja 0-2 ndi timu ya Silver Strikers pa bwalo la Mzuzu ndipo wati ngakhale iwo agonja koma asewera bwino kwambiri.

"Anali masewero abwino koma tapereka zigoli lero chifukwa tinakonza kuti tipeze zigoli zachangu koma timasewera ndi timu yabwino komabe ndine wosangalala poti timatha kupita kutsogolo kusiyana ndi kale lija lomwe timangokhala mu chigawo chathu." Anatero Ikwanga.

Iye wati timu yake imaliza mu matimu atatu oyambilira mu ligi ndipo anthu asakayike poti ali kale momwemo.

Timuyi ikadali pa nambala yachinayi mu ligi pomwe ili ndi mapointsi okwana 40 pa masewero 26 omwe yasewera mu ligi ya TNM.