"SIZIKHALA ZOPHWEKA KUKAPAMBANA" - KAMWENDO

Wachiwiri kwa mphunzitsi watimu ya Creck Sporting Club, Joseph Kamwendo, wati sizikhala zinthu zophweka kuti timu yake ikatenge mapointsi atatu mu masewero omwe asewere ndi Civil Service United lachitatu masana koma wati akonzeka kuti akayesetse kuti achite bwino.

Iye amayankhula patsogolo pa masewero awo omwe ali pa bwalo la Civo ndipo wati akufunitsitsa atayambiranso kuchita bwino poti akuchoka kogonja ndi timu ya Karonga United lamulungu lapitali.

"Akhala masewero ovuta kwambiri chifukwa tikumenya ndi timu yabwino koma tikudziwa kufunika kopambana mmasewero amenewa chifukwa tikuchokera kogonja ndi timu ya Karonga nde tiyesetsa kuti tichite bwino pa masewero amenewa." Anatero Kamwendo.

Timuyi tsopano yafika pa nambala yachikhumi mu ligi kutsatira kutaya mapointsi ochuluka mmasewero omwe anali nawo pomwe ali ndi mapointsi okwana 32 pa masewero 24 omwe yasewera mu ligi.