"MWINANSO TITHA KUFIKA PA NAMBALA YOYAMBA" - MTETEMERA

Mphunzitsi watimu ya Creck Sporting Club, Macdonald Mtetemera, wati masewero akadalipo ndipo mpikisano ukadali wamphamvu ndipo alimbikira kuti mwina afike pa nambala yachiwiri kapena yoyamba kumene.

Iye amayankhula patsogolo pa masewero awo ndi timu ya Karonga United pa bwalo la Aubrey Dimba ndipo wati apa ndi pakhomo pawo ndipo ayesetsa kuti mwina akachite bwino.

"Mpikisanowu ukadali wamphamvu ndipo chilichonse chikhonza kuchita nde sitikugonja tiyesetsa kuti mwina tikafike pachitatu pachiwiri angakhale pamtunda pamene. Tinapambana kalekale nde Pano tichite chilichonse chothekera kuti mwina tikachite bwino." Anatero Mtetemera.

Timuyi ili pa nambala yachisanu ndi chitatu (8) mu ligi pomwe ili ndi mapointsi okwana 32 pa masewero 23 omwe asewera ndipo akusiyana mapointsi 18 ndi timu ya Silver yomwe ili poyamba.