FAZILI WAKHUTIRA NDI SCORCHERS

Mphunzitsi watimu ya Scorchers, Lovemore Fazili, wati wasangalala ndi mmene timuyi yachitira pa masewero omwe amasewera ndi timu ya Botswana pomwe alepherana 1-1 mmasewero oyamba eni eni amu gulu B la mpikisano wa COSAFA Women's Championship lachitatu.

Iye amayankhula atatha masewerowa mdziko la South Africa ndipo wati atsikana ake anachita bwino ndi timu yomwe inatenga osewera awo onse omwe amawadalira ndipo anali nawo ku mpikisano wa World Cup mu zaka zinayi zapitazi.

Iye wati mwayi wake wopita mu ndime ina ukhazikike pa zigoli zomwe iwo ndi Botswana azichinya pa masewero omwe atsala nawo mu gululi ndipo kupanda kusamala akhonza kupakira

"Ngati tidzagoletse zigoli zisanu ndi Madagascar ndekuti Botswana isadzafike zisanu. Chimodzimodzi ndi Mauritius tidzagoletse zambiri kuposa Botswana kupanda kutero ndekuti zinthu zidzativuta." Anatero Fazili.

Iye wati akumvetsetsa kuti osewera monga Vanessa Chikupira komanso Mary Chavinda anavutika kwambiri mmasew